ەۋروپا كوميسسيانىڭ توراعاسى قازاقستاندى الداعى تاۋەلسىزدىك مەرەكەسىمەن قۇتتىقتادى

ەۋروپا كوميسسيانىڭ توراعاسى (ەۋروپا كەڭەسىنىڭ ۆەنەتسيالىق كوميسسياسى) دجانني بۋكيككيو قازاقستان مەن ەۋروپا كەڭەسى اراسىنداعى ىنتىماقتاستىقتى دامىتۋعا قوسقان ۇلەسى ءۇشىن I دارەجەلى «دوستىق» وردەنىمەن ماراپاتتالدى.

ماراپاتتاۋ ءراسىمى ەۋروپا كەڭەسىنىڭ شتاب-پاتەرىندە ادام قۇقىقتارى كۇنى جانە قازاقستان رەسپۋبليكاسىنىڭ تاۋەلسىزدىك كۇنى قارساڭىندا ءوتتى.

كوميسسيا باسشىسى پرەزيدەنت قاسىم-جومارت توقاەۆقا تاۋەلسىزدىك كۇنىمەن جىلى قۇتتىقتاۋلارىن جانە قازاق حالقىنا ىزگى تىلەكتەرىن جەتكىزۋدى سۇرادى. تاۋەلسىز قازاقستاننىڭ قالىپتاسۋىنا كۋا بولا وتىرىپ, ۇلتتىق زاڭنامانى رەفورمالاۋعا قاتىسقان دج. بۋكيككيو مەملەكەت باسشىلىعى جۇرگىزىپ وتىرعان ىشكى ساياسي باعىتقا, سونداي-اق ەلىمىزدىڭ كونستيتۋتسيالىق جانە سوت ورگاندارىنىڭ قىزمەتىنە جوعارى باعا بەردى.

سونىمەن قاتار, ۆەنەتسيالىق كوميسسيانىڭ جوعارى لاۋازىمدى وكىلدەرى توماس ماركەرت, سەرگەي كۋزنەتسوۆ جانە شنۋتس ديۋرر «قازاقستان رەسپۋبليكاسىنىڭ كونستيتۋتسياسىنا 25 جىل» مەرەكەلىك مەدالدارىمەن ماراپاتتالدى.

دج. بۋكيككيو كوميسسيا تاراپىنان قازاقستان ونى ءاردايىم ەلدىڭ دەموكراتيالىق قالىپتاسۋىنا ىقپال ەتەتىن سەنىمدى دوسى مەن سەرىكتەسى رەتىندە كورە الاتىنىن اتاپ ءوتتى.

ۆەنەتسيالىق كوميسسيا وكىلدەرى قازاقستانداعى اعىمداعى ىشكى ساياسي جانە الەۋمەتتىك رەفورمالارمەن, ەلدىڭ 2021 ج. 10 قاڭتارىندا ءوتۋى ءتيىس پارالامەنتتىك سايلاۋعا دايىندىق بارىسىمەن, سونداي-اق سىرتقى ىستەر ءمينيسترى مۇحتار تىلەۋبەردىنىڭ «ادام قۇقىقتارى-جاھاندىق جانە ۇلتتىق باسىمدىق» اتتى ماقالاسىمەن تانىستى.

قۇقىق ارقىلى دەموكراتيا ءۇشىن ەۋروپالىق كوميسسيا (ۆەنەتسيالىق كوميسسياسى) ەۋروپا كەڭەسى جانىنداعى كونستيتۋتسيالىق قۇقىق بويىنشا كونسۋلتاتيۆتىك ورگان جانە ادام قۇقىقتارىن قورعاۋ سالاسىنداعى نەگىزگى ساراپتامالىق ينستيتۋت بولىپ تابىلادى. 2012 جىلدان باستاپ قازاقستان ونىڭ تولىققاندى مۇشە بولا وتىرىپ, الدىڭعى قاتارلى شەتەلدىك قۇقىقتىق تەحنولوگيالارعا قول جەتكىزۋدە. كوميسسياسىنىڭ ۇسىنىستارى ۇلتتىق زاڭنامانى ازىرلەۋ كەزىندە قولدانىلادى.