الماتىدا ەرىكتىلەر جىلى قورىتىندىلاندى. بۇل تۋرالى «قازاقستان ەرىكتىلەرى ليگاسى» قوعامدىق قورى الماتى فيليالىنىڭ ءتورايىمى باعدات انارباەۆا حابارلادى, دەپ جازادى Egemen.kz.
الماتىدا ەرىكتىلەر جىلىن وتكىزۋ اياسىندا 78 ءىس-شارادان تۇراتىن شارالار جوسپارى بەكىتىلدى. بارلىق جوبا مەن ءىس-شارا vەملەكەت باسشىسى بەلگىلەگەن مىندەتتەرگە سايكەس ازىرلەندى.
باعدات انارباەۆانىڭ ايتۋىنشا, كارانتيننىڭ ءبىرىنشى كۇنىنەن باستاپ الماتى قالاسىنىڭ اكىمدىگى جاستار لوفت-ورتالىعىنىڭ نەگىزىندە جەدەل ۆولونتەرلىك شتاب قۇرىلىپ, ونىڭ قۇرامىنا قالالىق ۆولونتەرلىك, مەديتسينالىق جانە قوعامدىق ۇيىمدار ەندى.
جالپى قالا بويىنشا 1000-عا جۋىق ۆولونتەر جۇمىس ىستەدى, ونىڭ ىشىندە شتابقا 100-گە جۋىق تۇراقتى ۆولونتەر تارتىلدى. ەرىكتىلەر كوروناۆيرۋستىڭ تارالۋىنا بايلانىستى قاۋىپسىزدىك تەحنيكاسى مەن گيگيەنا تالاپتارىن ۇيرەندى.
شتابتىڭ نەگىزگى قىزمەتى حالىقتىڭ مۇقتاج ساناتتارىنا كومەك كورسەتۋگە باعىتتالدى.
«پاندەميا كەزىندە مۇقتاج 26 مىڭنان استام ازاماتقا ازىق-ت ۇلىك پاكەتتەرى, مەديتسينالىق بەتپەردەلەر تاراتۋ, ءدارى-دارمەك جەتكىزۋ تۇرىندە كومەك كورسەتىلدى. شتاب تۇراقتى نەگىزدە قوعامدىق ورىندارعا مونيتورينگ جۇرگىزدى. بۇزۋشىلىقتار انىقتالعان كەزدە ۋاكىلەتتى ورگاندار كاسىپورىنداردىڭ جۇمىسىن شەكتەيتىن شارالار قابىلدادى. سونداي-اق, ەرىكتىلەر قالالىق مەديتسينا قىزمەتكەرلەرىنە باسقا ەلدەردەن كەلگەن ازاماتتاردى اۋرۋحانالارعا ورنالاستىرۋعا كومەكتەستى», - دەدى انارباەۆا.
جەدەل ەرىكتىلەر شتابىنىڭ ۆولونتەرلارى 4115 مۇقتاج جانە الەۋمەتتىك وسال ازاماتتارعا كومەك كورسەتتى, 93 وتباسىنا مەديتسينالىق بەتپەردە تاراتتى.
سونىمەن قاتار 166 نىساندا قوعامدىق مونيتورينگ جۇرگىزدى, ونىڭ ىشىندە 80 نىساندا بۇزۋشىلىقتار انىقتالدى, ونىڭ قورىتىندىسى بويىنشا ۋاكىلەتتى ورگاندار ءتيىستى شارالار قابىلدادى.
قالانىڭ 100 ءدارىحاناسىندا قاجەتتى ءدارى-دارمەكتەردىڭ باعاسىن نەگىزسىز كوتەرۋ فاكتىلەرىن انىقتاۋعا قوعامدىق مونيتورينگ جۇرگىزىدى, 6250 تۇرعىنعا جەدەل جەلى تەلەفونى ارقىلى اقپارات بەردى.