جاۋاپتى دا ۇزاق مال قىستاتۋ ناۋقانى باستالدى. ءدال وسى جەردە «اتا-بابامىزدان كەلە جاتقان ۇيرەنشىكتى كاسىپ قوي» دەپ ماڭىزدى ءىستىڭ سالماعىن جەڭىلدەتۋدىڭ قيسىنى جوق.
ءار جىلدىڭ وزىندىك ەرەكشەلىگى بولاتىندىعىن ەسكەرە وتىرىپ, دايىندىق جۇمىستارىنىڭ تالاپتارىن ەسەلەي تۇسكەندەر ۇتادى. ياعني, بارلىق ۇيىمداستىرۋ-شارۋاشىلىق شارالارىنىڭ جيىنتىعىن قاپىسىز قامداۋ باستى شارت بولماق.
–اۋدان بويىنشا 31521 ءىرى قارا, 31100 ۇساق مال, 12822 باس جىلقى, 9316 شوشقا ت ۇلىگى قىستاتىلۋدا, – دەيدى اۋداندىق اۋىل شارۋاشىلىعى ءبولىمىنىڭ باسشىسى ۆيكتور شكۋريحين. وسى رەتتە, ءىرى سەرىكتەستىكتەرمەن قاتار, شارۋا قوجالىقتارى مەن جەكە تۇرعىندار قاراۋىنداعى مال سانى اناعۇرلىم ارتقانىن ايتا كەتكەن ءلازىم. سوعان بايلانىستى جۇمىس جوسپارىنىڭ اۋقىمى دا كەڭەيىپ وتىر. اۋىل شارۋاشىلىعى قۇرىلىمدارىندا جوسپارلى ءىس-شارالار – قورا-جايلاردى جوندەۋ, دەزينفەكتسيالاۋ, زووتەحنيكالىق جانە ۆەتەرينارلىق ۇيىمداستىرۋ جۇمىستارى تولىق دەڭگەيدە اتقارىلدى. كادرلار قۇرامى دا جەتكىلىكتى. بيىل, ادەتتەگىدەي, مال ازىعىنىڭ ءبىر جارىم جىلدىق قورى دايىندالدى. بىلتىرعىلارعا قوسا, 81 مىڭ توننا ءشوپ, 5000 توننا سابان, 54 مىڭ توننادان استام جۇگەرى سۇرلەمى, 15 مىڭ توننا پىشەندەمە, 98,5 مىڭ توننا قۇراما جەم دايىندالۋى ناۋقاندى ويداعىداي وتكىزۋگە مۇمكىندىك بەرەدى.
باسشىنىڭ بۇل سوزدەرى جىلدىڭ وتكەن كەزەڭىندە قول جەتكەن تابىس ەسەلەنە تۇسەتىنىنە نەگىزدەلگەنى بەلگىلى. ۇستىمىدەگى جىلدىڭ قاراشاسىنا دەيىن ءوڭىر مالشىلارى تىرىدەي سالماقتا 4586,8 توننا ەت, 20780,6 توننا ءسۇت وندىرگەن. بۇل كورسەتكىشتەر 2019 جىلدىڭ سايكەس مەرزىمىمەن سالىستىرعاندا 102,4 جانە 100,3 پروتسەنتكە جوعارى. باسەكە كوشىن التىنبەك قۇرمانقۇلوۆ باسقاراتىن «2019 جىلدىڭ ۇزدىك ۇجىمى» وبلىستىق بايقاۋدىڭ جەڭىمپازى – «شۋيسكوە» جاۋاپكەرشىلىگى شەكتەۋلى سەرىكتەستىگى باستاپ كەلەدى. مۇندا 790 ءىرى قارا, 464 باس جىلقى قىستاتىلۋدا. شارۋاشىلىق قاراشا ايىنا دەيىن 316 ساۋىن سيىردان 2016,4 توننا ءسۇت دايىندادى.
ەت ءوندىرۋ بويىنشا ء«التىندان», «باستاۋ», «شۋيسكوە», «ابدۋاليەۆتەر», «ارماناتباساراگرو» جانە «شورتانباي» جاۋاپكەرشىلىگى شەكتەۋلى سەرىكتەستىكتەرى الدىڭعى قاتاردا ەكەن.
بيىلدىڭ وزىندە «اتباساراگروپرودۋكت», «نوۆوسەلسكوە», اتباسار ءداندى استىق» جاۋاپكەرشىلىگى شەكتەۋلى سەرىكتەستىكتەرى مەن «تاۋكە» شارۋا قوجالىعىندا ەتتىك باعىتتاعى فەرمانىڭ اشىلۋى تابىس ارناسىن كەڭەيتە تۇسەتىنىنە سەنىم قالىپتاستىرادى. بۇلاردىڭ قاراۋىنداعى 350 ءىرى قارا مال سانىن كوبەيتۋ باعىتىنداعى جۇمىستار جۇرگىزىلۋدە. بۇگىنگى كۇنى اۋدان بويىنشا 2020 جىلعا ارنالعان مال شارۋاشىلىعى سالاسىن دامىتۋدىڭ ينديكاتيۆتىك جوسپارلارى تۇقىمدىق تۇرلەندىرۋ بويىنشا 118,3 پروتسەنتكە, بۇقاشىقتاردى بورداقىلاۋ الاڭىنا وتكىزۋ بويىنشا 100,2 پروتسەنتكە ورىندالۋى دا جاقسى ويلارعا باستايدى.