2020 جىلى الماتىدا 2396 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانعان. ونىڭ ىشىندە كوممەرتسيالىق قۇرىلىس جەلىسى بويىنشا 17 420 پاتەر مەن 2062 جەكە ءۇي, مەملەكەتتىك بيۋدجەتتەن قاراجاتى ەسەبىنەن 5206 پاتەر مەن جالپى كولەمى 4,6 مىڭ شارشى مەتر بولاتىن جاتاقحانا تۇرعىزۋ كوزدەلگەن, دەپ حابارلايدى Egemen.kz.
– الماتىداعى قۇرىلىستىڭ ءجاي-كۇيى تۋرالى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ ايتىپ بەردى.
"الماتىدا 2020 جىلدىڭ قاڭتار-قازان ايلارى ارالىعىندا 1609 مىڭ شارشى مەتر تۇرعىن ءۇي نەمەسە 12 925 پاتەر پايدالانۋعا بەرىلدى. سونداي-اق 1722 جەكە ۇيلەر سالىندى. مەملەكەت قازىناسى ەسەبىنەن 120 پاتەر سالىندى. قالا اكىمى باقىتجان ساعىنتاەۆ ايتقانداي كارانتينگە جانە ەپيد احۋالعا قاراماستان تۇرعىن ءۇي قۇرىلىسىنىڭ قارقىنى جوسپارلانعان دەڭگەيدە قالدى. ءتىپتى بىلتىرعى كورسەتكىشتەردەن دە اسىپ ءتۇستى", – دەيدى احمەدجانوۆ.
جىل سوڭىنا دەيىن 785 مىڭ شارشى مەتر نەمەسە 8,5 مىڭ پاتەر پايدالانۋعا بەرىلمەك. كوممەرتسيالىق قۇرىلىس جەلىسى بويىنشا – 421 مىڭ شارشى مەتر نەمەسە 4615 پاتەر, 332 جەكە ءۇي نەمەسە 83 مىڭ شارشى مەتر, مەملەكەتتىك قارجى ەسەبىنەن 281 مىڭ شارشى مەتر نەمەسە 3849 پاتەر تۇرعىزىلماق.
سونىمەن قاتار جىل اياعىنا دەيىن قوسىمشا 208,6 مىڭ شارشى مەتر نەمەسە 2384 پاتەر جانە 56 جەكە ءۇيدى تۇرعىندار يگىلىگىنە بەرۋ جوسپارلانعان. ونىڭ كوممەرتسيالىق قۇرىلىس جەلىسى بويىنشا سالىناتىنى 194 مىڭ شارشى مەتر نەمەسە 2384 پاتەر جانە 56 جەكە ءۇي نەمەسە 14 مىڭ شارشى مەتر.
"جىل سوڭىندا 2604,9 مىڭ شارشى مەتر نەمەسە 25 007 پاتەر جانە 2110 جەكە ءۇيدى پايدالانۋعا بەرىلەدى. 2019 جىلدىڭ ءدال وسى كەزەڭىمەن سالىستىرعاندا 124 پايىزعا ءوسىم بار", – دەدى باسقارما باسشىسى.