اقمولادا ازىق-ت ۇلىك باعاسى تۇراقتى

نارىقتى رەتتەۋ جۇمىسى «كوكشە» الەۋمەتتىك-كاسىپكەرلىك كورپوراتسياسى ارقىلى جۇزەگە اسىرىلۋدا. مەكەمە وڭىرلىك تاۋار وندىرۋشىلەردى قولداۋ ارقىلى تۇتىنۋشىعا ساپالى ءارى ارزان ازىق-ت ۇلىك ۇسىنۋدىڭ ۇتىمدى مەحانيزمىن جولعا قويىپ وتىر.

الەۋمەتتىك كاسىپكەرلىك كورپوراتسياسى  ازىق-ت ۇلىكتىڭ سۇرانىسقا يە 19 ءتۇرىن تىكەلەي تاۋار وندىرۋشىدەن ساتىپ الىپ, نارىقتاعى باعانىڭ نەگىزسىز وسۋىنە جول بەرمەيدى. كارتوپ, ء سابىز, قىرىققابات, كۇرىش ءتارىزدى تاۋارلاردىڭ ماۋسىمدىق باعا وزگەرىسىن شەكتەۋ ماقساتىندا ارنايى قور قۇرىلعان. مەكەمە ازىق-ت ۇلىكتىڭ شەكتى باعاسىن ساقتاۋعا, مۇمكىن بولسا ودان ارزان ساۋدالاۋعا كۇش سالادى.

مىسالى, تازارتىلعان كۇرىشتىڭ شەكتى باعاسى 404 تەڭگە دەپ بەلگىلەنگەنمەن, اقمولا نارىعىندا كۇرىش 230 تەڭگەدەن ساۋدالانادى. ال, بيداي ۇنى بەلگىلەنگەن 155 تەڭگەنىڭ ورنىنا 110 تەڭگەدەن ۇسىنىلدى. تۇندىرىلعان وسىمدىك مايىنىڭ شەكتى باعاسى 433 تەڭگە بولسا, الەۋمەتتىك پاۆيلونداردا 390 تەڭگەدەن الاسىز. 2020 جىلدىڭ 4-ءشى توقسانىندا قانت 194, كارتوپ 90 تەڭگەدەن ساتىلۋدا.

"ازىق-ت ۇلىكتىڭ باعاسىن تۇراقتاندىرۋ وتە ماڭىزدى. جامان تۇماۋ جايلاعان كەزدە حالىق قىسىلىپ قالماۋى كەرەك. قازىر بىزدە 1 444 توننا ازىق-ت ۇلىك ساقتاۋلى. جىل باسىنان بەرى 800 توننا ءونىم ساۋدالاندى", – دەيدى «كوكشە» الەۋمەتتىك كاسىپكەرلىك كورپوراتسياسى جەتەكشىسىنىڭ ورىنباسارى گۇلميرا جازينا.

ازىق-ت ۇلىك نارىعىن رەتتەۋدىڭ ەكىنشى ءتاسىلى تاۋار وندىرۋشىلەرگە پايىزسىز نەسيە بەرۋ. مۇنداعى شارت بىرەۋ عانا. كاسىپورىن شەكتى باعا مولشەرىن ساقتاۋعا كەپىلدىك بەرەدى. وسىلايشا, وڭىرلىك تاۋار ءوندىرۋشى مەن تۇتىنۋشىنىڭ مۇددەسىن ءبىر ارناعا توعىستىرۋعا بولادى. بيزنەس نىساندارىنىڭ ءوتىنىشىن كاسىپكەرلىك جانە ونەركاسىپ باسقارماسى جانىنا قۇرىلعان كوميسسيا تالدايدى.

اقمولالىق كاسىپورىندارعا 835 ملن. تەڭگە بولىنگەن. وسىلايشا, ءسۇت, ايران, سۇزبە, سارى ماي, قۇس ەتى مەن كارتوپ باعاسى تۇراقتاندىرىلدى. بۇل مەحانيزم تاۋار باعاسىنىڭ كۇرت وسۋىنە قارسى جىلدام ارەكەت ەتۋ مۇمكىندىگىن ۇسىنادى دەيدى ماماندار. مىسالى جۋىق ارادا, جۇمىرتقا باعاسىن رەتتەۋ كوزدەلىپ وتىر. تۇراقتاندىرۋ قورىنىڭ ازىق-ت ۇلىكتەرى الەۋمەتتىك پاۆيلونداردا ساۋدالانادى.