اقتاۋدا قوناقۇي تۋريزم سالاسى ماماندارىن دايارلاۋ تۋرالى مەموراندۋمعا قول قويىلدى

دۇنيە جۇزىلىك تۋريستىك ۇيىمنىڭ بولجامى بويىنشا قازاقستان تۇراقتى ءتۋريزمدى دامىتۋ ءۇشىن بولاشاعى بار ەلدەر قاتارىندا. Kazakh Tourism ۇلتتىق كومپانياسى جۇرگىزگەن تالداۋ قازىرگى ۋاقىتتا قازاقستاندا "تۋريستىك ماگنيتتەر" جانە "تۋريستىك ءوسۋ نۇكتەلەرى" بولۋعا قابىلەتتى 100-دەن استام تانىمال تۋريستىك وبەكتىنىڭ بار ەكەنىن كورسەتتى. سونىمەن قاتار رەسۋرستاردىڭ شەكتەۋلىلىگىنە جانە بارلىق وسى نىسانداردى دامىتۋعا ەلەۋلى ينۆەستيتسيالار سالۋ قاجەتتىلىگىنە بايلانىستى مادەنيەت جانە سپورت مينيسترلىگى قازاقستاننىڭ تۋريستيفيكاتسيالاۋ كارتاسى دەپ اتالاتىن نەعۇرلىم ماڭىزدى تۋريستىك نىسانداردى ىرىكتەۋ بويىنشا جۇمىس جۇرگىزدى. ىرىكتەۋ كريتەريلەرى تۋريستىك ماگنيت رەتىندە نىساننىڭ بىرەگەيلىگى جانە تۋريستىك اعىننىڭ ىقتيمال ءوسۋى بولدى. ماڭىزدى 10 تۋريستىك دەستيناتسيا قاتارىندا ماڭعاز ماڭعىستاۋ دا بار.

ولكەمىزگە كەلۋشى تۋريستەردىڭ سانىنىڭ ارتۋىنا بايلانىستى ماماندارعا دەگەن سۇرانىس ارتا ءتۇستى. تۋريزم جانە قوناقۇي سالاسىندا مامان تاپشىلىعى ۇلكەن ماسەلەگە اينالىپ وتىر.

2020 جىلعى 25 قاراشاسىندا كومەرتسيالىق ەمەس اكتسيونەرلىك قوعام ش.ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتىنىڭ پرەزيدەنتىنىڭ مىندەتىن اتقارۋشىسى بەرىك باقىتجان ۇلى احمەتوۆ پەن  Rixos Water World Aktau قوناق ءۇيىنىڭ ديرەكتورى ماحمۋد جاريمبەتوۆ ىنتىماقتاستىق تۋرالى مەموراندۋمعا قول قويدى. مەموراندۋمنىڭ ماقساتى – جوعارى بىلىكتى تۋريزم جانە قوناقۇي سالاسىنداعى قىزمەتكەرلەردى دايارلاۋ, كادرلىق رەزەرۆ قۇرۋ, ءوزارا تاجىريبە الماسۋ, سونىڭ ىشىندە دارىستەرىن, سەمينارلار, ترەنينگتەر جانە ءوزارا ارەكەتتەسۋدىڭ باسقا نىساندارىن ۇيىمداستىرۋ ارقىلى ىنتىماقتاستىقتى دامىتۋ.

كەزدەسۋ بارىسىندا Rixos Water World Aktau قوناق ءۇيىنىڭ ديرەكتورى ماحمۋد مىرزا الداعى  جوسپارلارمەن ءبولىسىپ ءوتتى: "جىلى جاعاجاي ايماعىندا Rixos Water World Aktau قوناق ۇيىنەن كانالعا دەيىنگى اۋماقتىڭ بارلىعىنا وتاندىق جانە شەتەلدىك تۋريستەرگە قىزمەت كورسەتەتىن بىرنەشە تۋريستىك نىساندار سالىنادى دەپ جوسپارلانۋدا. بۇل ۇلكەن كەشەننىڭ اتاۋى – Tethys Tourism International Hub, جالپى تەرريتورياسى – 1,300000 م2. جوعارىدا اتالعان حابتىڭ العاشقى نىسانى 15 گەكتاردى الىپ جاتىرعان  جانۇيالىق كۋرورتتىق وتەل – Rixos Water World Aktau. كەلەسى نىسان 12,2 گەكتاردى قۇرايتىن ازياداعى ەڭ ۇلكەن تاقىرىپتىق ساياباق, ودان كەيىنگى  15 گەكتاردى "BI Group" قۇرىلىس حولدينگى سالاتىن وتەل-رەزيدەنتسيالار. دۇنيە جۇزىنە ءوزىنىڭ ءساندى قوناق ۇيلەرىمەن تانىمال, الەمدەگى ەڭ بەدەلدى كۋرورتتار مەن الەمنىڭ ەڭ ءىرى استانالارىندا ورنالاسقان "Fairmont" وتەلى حابتىڭ 5 گەكتارىن الادى. بەسىنشى نىسان جان جاعى ۆيللالارمەن قورشالعان ازياداعى ەڭ ءىرى گولف-كلۋب, ونىڭ اۋماعى – 38 گەكتار. كەلەسى 4,9 گەكتاردى 80 ۆيللادان قۇرالعان "Ranyan Tree"  جانە 3 گەكتاردى  "Rixos club prive" وتەلدەرى ورىن الادى. "Bazis-A" قۇرىلىس كومپانياسىنىڭ ۇيلەرى 10 گەكتاردى السا, سوڭعى 7 گەكتاردا حالىقارالىق قوناق ءۇي نارىعىنىڭ جوعارعى سەگمەنتىندە ورنالاسقان "Swissôtel Hotel" وتەلى قىزمەت كورسەتەدى دەپ جوسپارلانۋدا. وسى نىسانداردىڭ بارلىعىنا قىزمەت كورسەتەتىن مامانداردىڭ قاجەت ەكەنى ءسوزسىز. تۋريزم جانە قوناق ءۇي سالاسىنداعى ماماندارعا دەگەن سۇرانىس وتە جوعارى. اتالعان تۋريستىك نىسانداردى قىزمەتكەرلەرمەن قامتاماسىز ەتۋ ءۇشىن كەم دەگەندە 3000 مامان قاجەت.  

ءوز كەزەگىندە بەرىك باقىتجان ۇلى احمەتوۆ ءتۋريزمنىڭ ولكەمىزدەگى دامۋ پەرسپەكتيۆالارىن ەسكەرە وتىرىپ, ۋنيۆەرسيتەتتە جاڭا "تۋريزم جانە تىلدەر" فاكۋلتەتى اشىلىپ, ول جەردە تۋريزم جانە قوناق ءۇي ماماندىعى بويىنشا 114 ستۋدەنت ءبىلىم الىپ جاتقاندىعىن, ولاردى باسەكەگە قابىلەتتى مامان ەتىپ شىعارۋ جولىندا كوپتەگەن جۇمىستار اتقارىلىپ جاتىرعاندىعىن جانە كەلەسى وقۋ جىلىندا وسى ماماندىقتارعا تۇسەتىن تالاپكەرلەردىڭ سانىن ارتتىرۋ جولىندا, سونىمەن قاتار ماڭعىستاۋ وبلىسىندا ءتۋريزمدى دامىتۋ ءۇشىن ايانباي ەڭبەك ەتەنەتىندىگىن تىلگە تيەك ەتتى.

كەلىسسوزدەر بارىسىندا تاراپتار تۋريزم جانە قىزمەت كورسەتۋ سالاسىنداعى ىنتىماقتاستىقتى نىعايتۋ جانە ودان ءارى دامىتۋ قاجەتتىلىگىن اتاپ ءوتتى. وسى ءوزارا ءىس-قيمىل شەڭبەرىندە "مەيرامحانا ءىسى جانە قوناق ءۇي بيزنەسى" جاڭا دۋالدى ءبىلىم بەرۋ باعدارلاماسى بويىنشا ستۋدەنتتەردىڭ وقۋ باعدارلاماسىنداعى بىرقاتار پاندەردەن Rixos Water World Aktau قوناق ءۇيىنىڭ قىزمەتكەرلەرى قوناقۇي قابىرعاسىندا ءبىلىم بەرەتىندىگى جانە "تۋريزم" ماماندىعىندا وقيتىن ستۋدەنتتەردىڭ بارلىق تاجىريبەلەرى وسى قوناق ۇيدە وتەتىندەگى, سونىمەن قاتار جىل سايىن وقۋ ۇلگەرىمى جوعارى 10 ستۋدەنتكە بىرىككەن اراب امىرلىكتەرى, تۇركيا, ەگيپەت, حورۆاتيا, ليۆيا, تايلاند جانە كيپر مەملەكەتتەرىندەگى Rixos قوناق ۇيلەرىندە حالىقارالىق تاجىريبەدەن ءوتۋ ءۇشىن ارنايى گرانت بولىنەتىندىگى كەلىسىلدى.

تۋريزم سالاسىن دامىتۋدا ۋنيۆەرسيتەت ستۋدەنتتەرىنىڭ تاڭعاجايىپتارعا تولى ماڭعىس­تاۋ ءتۋريزمنىڭ ناعىز ورداسىنا اينالۋىنا ءوز ۇلەستەرىن قوساتىنىنا سەنىمىمىز زور. وسى باعىتتا جاسالعان, ەسەنوۆ ۋنيۆەرسيتەتىنىڭ پرەزيدەنتىنىڭ مىندەتىن اتقارۋشىسى بەرىك باقىتجان ۇلى احمەتوۆ پەن  Rixos Water World Aktau قوناق ءۇيىنىڭ ديرەكتورى ماحمۋد جاريمبەتوۆ اراسىنداعى كەلىسسوز بەرىك پلاتفورما بولاتىنى ءسوزسىز.