وبلىستىق دەنساۋلىق ساقتاۋ باسقارماسىنىڭ ءبولىم باسشىسى نينا وسپانوۆانىڭ اقپاراتىنا قاراعاندا, اۋرۋحانالاردا جىل سوڭىنا دەيىن تاعى 5 وتتەگى ستانساسى ىسكە قوسىلادى, دەپ حابارلايدى Egemen.kz
"وبلىستا 9 وتتەگى ستانساسىن جاساقتاۋ جوسپارلانعان بولاتىن. قازىر 4 وتتەگى ستانساسى پايدالانۋعا بەرىلدى. بۇدان بولەك, وبلىستىڭ مەديتسينالىق ۇيىمدارى 27 رەنتگەن, 4 مرت, 12 كومپيۋتەرلىك توموگرافيا اپپاراتتارىمەن قامتاماسىز ەتىلدى. مۇنىڭ ءبارى – كوروناۆيرۋس ينفەكتسياسى مەن كوروناۆيرۋستىق پنەۆمونياعا شالدىققان ناۋقاستاردى ەمدەۋگە قاجەتتى جابدىقتار", دەيدى نينا وسپانوۆا.
سونداي-اق مەديتسينالىق ۇيىمدارى ءدارى-دارمەكتىڭ ەكى ايلىق قورىمەن قامتاماسىز ەتىلىپ وتىر. كوروناۆيرۋس ينفەكتسياسىن ەمدەۋگە ارنالعان دارىلىك زاتتاردىڭ 42 ءتۇرلى قورى جاساقتالدى.