كوروناۆيرۋس ينفەكتسياسىن جۇقتىرماعان جاعدايدا ءيىس سەزۋ قابىلەتىنىڭ جوعالۋى اۋىر سوزىلمالى اۋرۋدىڭ اسقىنۋىن كورسەتۋى مۇمكىن, دەپ حابارلايدى رەسەيلىك دارىگەرلەر.
مامانداردىڭ ايتۋىنشا, ءيىس سەزۋ قابىلەتىنىڭ بولماۋى كوپتەگەن ءتۇرلى پاتولوگيالاردىڭ سيمپتومى بولىپ تابىلادى – ءيىس سەزۋ قابىلەتىنىڭ كەنەتتەن جوعالۋى مۇرىن قۋىسىنىڭ شىرىشتى قاباتىنىڭ ءىسىنۋى كەزىندە پايدا بولادى. جرۆي-مەن اۋىرعان كەزىندە شىرىشتى قاباتتاردا قان كوپتەپ جينالادى, بۇل اۋا اعىنىن ەداۋىر قيىنداتىپ, ءيىس سەزۋ قابىلەتىنىڭ تومەندەۋىنە سەبەپشى بولادى. ءدال وسىنداي جاعداي جەدەل اللەرگيالىق رەاكتسيالار كەزىندە دە پايدا بولادى. COVID-19 كەزىندە ءيىس سەزۋ قابىلەتى جوعالادى, بىراق مۇرىن بىتەلۋ جاعدايى بولمايدى.سونداي-اق, ءيىس سەزۋ قابىلەتى ينفاركتتان كەيىنگى جاعدايلاردا, مۇرىننىڭ سىنۋى, نەيرودەگەنەراتيۆتى اۋرۋلار, مي ىسىكتەرى, سونداي-اق پاركينسون جانە التسگەيمەر اۋرۋلارى كەزىندە جوعالىپ كەتۋى مۇمكىن. اۋىر سوزىلمالى اۋرۋلاردا ءيىس سەزۋ قابىلەتى اۋرۋدىڭ اۋىر كورىنىستەرى پايدا بولعانعا دەيىن ءۇش-ءتورت جىل بۇرىن جوعالادى. سوندىقتان العاشقى بەلگىلەر كەزىندە دارىگەرمەن كەڭەسىپ, تەكسەرۋدەن ءوتۋ وتە ماڭىزدى.