پوليتسيا قىزمەتكەرلەرى, ەرىكتىلەر جانە اۋدان اكىمدىكتەرىنىڭ وكىلدەرى ساۋدا ورتالىقتارىندا, مەيرامحانالاردا جانە باسقا دا نىسانداردا كارانتين ءتارتىبىن ساقتاۋ بويىنشا رەيدتەردى جالعاستىرىپ جاتىر, دەپ حابارلايدى Egemen.kz ەلوردا اكىمدىگىنە سىلتەمە جاساپ.
مامانداردىڭ ايتۋىنشا, ءتارتىپ بۇزۋشىلار نەگىزىنەن قوعامدىق تاماقتانۋ ورىندارى - مەيرامحانالار, دەمالىس ورىندارى, بانكەت زالدارى, سونداي-اق ساۋدا جانە ويىن-ساۋىق نىساندارى. بۇزۋشىلىقتار – بۇقارالىق ءىس-شارالار وتكىزۋ, جۇمىس ۋاقىتى مەن ماسكا تاعۋ ءتارتىبىن ساقتاماۋ, كەلۋشىلەردىڭ تىم كوپ بولۋى.
6 جەلتوقسانداعى جاعداي بويىنشا سانيتارلىق-ەپيدەميولوگيالىق باقىلاۋ كوميتەتىنىڭ اۋداندىق باسقارمالارىنا كارانتيندى بۇزۋشىلارعا قاتىستى 2213 ماتەريال كەلىپ ءتۇستى. 1151 جەكە جانە زاڭدى تۇلعا جالپى سوماسى 226 363 114 تەڭگەنى قۇرايتىن اكىمشىلىك جاۋاپكەرشىلىككە تارتىلدى.