قىزىلوردا وبلىسىندا كيىك اتقان ازامات ۇستالدى, – دەپ حابارلايدى Polisia.kz.
كەڭ دالانىڭ كيەسى اتانعان كيىكتەردى اياۋسىز اتۋ دەرەكتەرى تىيىلماي تۇر. قاسكويلەر قۇرىپ كەتۋگە جاقىن تۇرعان كيىكتەردى اتىپ, باس پايداسىنا جاراتىپ, وڭاي ولجا ىزدەيدى. جۋىردا سىر وڭىرىندە تاعى ءبىر زاڭسىز اڭ اۋلاۋ دەرەگى ورىن الدى. قىزىلوردالىق پوليتسەيلەر وبلىس كولەمىندە ءوتىپ جاتقان “كيىك” شاراسى بارىسىندا 5 جەلتوقسان كۇنى كەشكە كۇدىكتى اۆتوكولىكتى توقتاتقان.
تەكسەرۋ بارىسىندا كولىكتىڭ جۇكسالعىشىنان اتىلعان كيىك تابىلدى. قازىرگى تاڭدا كۇدىكتىگە قاتىستى قازاقستان رەسپۋبليكاسى قىلمىستىق كودەكسىنىڭ 339-بابىنىڭ 2-بولىگىمەن (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) سوتقا دەيىنگى تەرگەپ-تەكسەرۋ امالدارى باستالدى. قاجەتتى ساراپتامالار تاعايىندالدى.