الماتى اكىمى باقىتجان ساعىنتاەۆ ورتالىق كوممۋنيكاتسيالار قىزمەتى الاڭىندا وتكەن بريفينگتە جۋرناليستەردىڭ سۇراقتارىنا جاۋاپ بەرىپ, مەكتەپتەر مەن بالاباقشالارداعى ورىن تاپشىلىعى ماسەلەسىن شەشۋ تۋرالى ايتتى.
پرەزيدەنتتىڭ وقۋشىلار ورنىنىڭ تاپشىلىعىن تومەندەتۋ بويىنشا بەرگەن تاپسىرماسىن شەشۋ ءۇشىن 2022 جىلعا دەيىن مەكتەپتەردى جەدەلدەتىپ سالۋ تۋرالى ارنايى باعدارلاما قابىلداندى. 2021 جىلدىڭ سوڭىنا دەيىن قوسىمشا 30 مىڭنان استام وقۋشى ورنىن قۇرۋ جانە ورىن تاپشىلىعىن 80%-عا تومەندەتۋ جوسپارلانۋدا.
بيۋدجەت ەسەبىنەن بيىل قولدانىستاعى مەكتەپتەردىڭ جانىنان 4 قوسالقى نىساندار سالىنادى جانە 1 مەكتەپتىڭ قۇرىلىسى باستالادى. مەملەكەتتىك-جەكەمەنشىك سەرىكتەستىك اياسىندا 3 مەكتەپ سالىنادى. «جۇمىسپەن قامتۋدىڭ جول كارتاسى» باعدارلاماسى بويىنشا 8 مەكتەپ جانە قولدانىستاعى مەكتەپتەردىڭ جانىنان 13 قوسالقى نىساندار سالىناتىن بولادى. جەكە ينۆەستيتسيالار ەسەبىنەن 2 جەكە مەكتەپ اشۋ جوسپارلانۋدا.
بالاباقشالارداعى ورىن تاپشىلىعى تۋرالى ايتار بولساق, بۇل باعىتتا دا كەشەندى شارالار قابىلدانۋدا. كەلەر جىلى قوسىمشا 12,7 مىڭ ورىن قۇرۋ جوسپارلانۋدا. 2022 جىلعا قاراي بالاباقشالارداعى كەزەك 70 پايىزعا قىسقارادى.
اعىمداعى جىلى 3 مەملەكەتتىك بالاباقشا پايدالانۋعا بەرىلدى, مەكتەپ جاسىنا دەيىنگى 95 جەكە بالاباقشا اشىلدى. سونىمەن قاتار, 4 بالاباقشانىڭ قۇرىلىسى جالعاسۋدا, ال كەلەر جىلى تاعى 6 بالاباقشانىڭ قۇرىلىسى باستالادى.
1997-2004 جىلدار ارالىعىندا جەكە ءبىلىم بەرۋ ۇيىمدارىنا جالعا بەرىلگەن 10 مەملەكەتتىك بالاباقشانىڭ عيماراتتارىن كوممۋنالدىق مەنشىككە قايتارۋ بويىنشا جۇمىستار جۇرگىزىلۋدە. مىسالى, 2019 جىلى اۋەزوۆ اۋدانىنداعى «سكازكا» بالاباقشاسىنىڭ عيماراتى قايتارىلدى. قازىر مۇندا كۇردەلى جوندەۋ جۇمىستارى جۇرگىزىلۋدە.
جەكە بالاباقشالاردىڭ قوسىمشا قىزمەتتەرى ءۇشىن اتا-انالاردىڭ تولەمدەرىن ءىشىنارا وتەۋ مەحانيزمى ازىرلەندى جانە ونى ۇكىمەت قولدادى. تولەم 50 مىڭ تەڭگەگە دەيىن جەتەتىن جەكە بالاباقشالاردا اكىمدىك وتەماقى تولەگەننەن كەيىن اتا-انالار تولەيتىن قارجى 25 مىڭ تەڭگەگە دەيىن ازايدى.
بۇگىنگى كۇنى قالادا 823 بالاباقشا بار. ونىڭ 77%-ى جەكەمەنشىك. بالاباقشا كەزەگىندە 3 جاستان 6 جاسقا دەيىن 21 مىڭ بالا, ال 1 جاستان 6 جاسقا دەيىن 45 مىڭ بالا تۇر.