بۇگىن وكق الاڭىندا وتكەن بريفينگتە الماتى قالاسىنىڭ اكىمى باقىتجان ساعىنتاەۆ مەگاپوليستەگى كلينيكالار مەن ءدارىحانالاردا ءدارى-دارمەك تاپشىلىعىنىڭ الدىن الۋ شارالارى تۋرالى ايتتى.
ب. ساعىنتاەۆتىڭ مالىمەتىنشە, تۇراقتاندىرۋ قورىن قۇرۋ ءۇشىن 10 ملرد تەڭگە ءبولىندى. ونىڭ 5 ملرد تەڭگەسى اۋرۋحانالار مەن ەمحانالاردى ءدارى-دارمەكپەن قامتاماسىز ەتۋگە, 5 ملرد تەڭگەسى ءدارىحانالاردى دارىلىك پرەپاراتتارمەن ۇزدىكسىز قامتاماسىز ەتۋگە ارنالعان. بۇگىنگى تاڭدا 68 اتاۋ بويىنشا ازايتىلمايتىن ەڭ تومەنگى قور 8 ملن دارىلىك پرەپاراتتى قۇرايدى.
سونىمەن بىرگە, جەكە قورعانىش قۇرالدارىنىڭ ەكى ايلىق قورى قۇرىلعان. 4,7 ملن جقق بار, «سك-فارماتسيادان» 4,6 ملن جقق كەلىپ ءتۇسۋى كۇتىلۋدە. سونىمەن قاتار, قالادا كۇندەلىكتى قۋاتى 1 ملن بىرلىكتى قۇرايتىن مەديتسينالىق بەتپەردەلەر ءوندىرىسى جولعا قويىلعان.