الماتى اكىمى باقىتجان ساعىنتاەۆ جىل سايىن وكق-دا وتەتىن بريفينگى بارىسىندا مەگاپوليس ەكونوميكاسىن تۇراقتاندىرۋ, مۇمكىن بولعان داعدارىسقا قارسى شارالار تۋرالى ايتتى.
مەگاپوليس اكىمى ب.ساعىنتاەۆتىڭ حابارلاۋىنشا, مەملەكەت باسشىسىنىڭ تاپسىرماسىنا سايكەس, قالا تۇرعىندارىنىڭ جۇمىس ورنى مەن كىرىستەرىن ساقتاۋ ماقساتىندا قالا ەكونوميكاسىنىڭ تومەندەۋىن بولدىرماۋ بويىنشا شارالار قابىلدانعان.
ونەركاسىپ, بايلانىس, قۇرىلىس سالالارىندا ەكونوميكالىق ءوسىم ساقتالعان. مىسالى, ونەركاسىپ 4,3%-عا, قۇرىلىس 11,8%-عا, پايدالانۋعا بەرىلەتىن باسپانا كولەمى 3,6%-عا, بايلانىس قىزمەتتەرى 8%-عا ءوستى.
2020 جىلى مەگاپوليستىڭ نەگىزگى كاپيتالىنا 719,2 ملرد تەڭگە ينۆەستيتسيالاندى, ونىڭ باسىم بولىگى جەكە ينۆەستورلاردىڭ قاراجاتى. ينۆەستيتسيالاردىڭ نەگىزگى بولىگى جىلجىمايتىن م ۇلىككە تيەسىلى (44,9%). قالعان بولىگى كەلەسى سالالار بويىنشا ءبولىندى: ونەركاسىپ (13,8%); كولىك جانە قاتتاۋ (9,6%); دەنساۋلىق ساقتاۋ جانە الەۋمەتتىك سالا (6,2%); سونداي-اق قارجى جانە ساقتاندىرۋ قىزمەتى (6%).
جىل قورىتىندىسى بويىنشا الماتىدا قۇنى 176,2 ملرد تەڭگە بولاتىن 90 ينۆەستيتسيالىق جوبا ىسكە اسىرىلىپ, ناتيجەسىندە 7,3 مىڭ جاڭا جۇمىس ورنى اشىلادى. مەگاپوليستىڭ نەگىزگى كاپيتالىنا سالىنعان ينۆەستيتسيالاردىڭ جىلدىق كولەمى 900 ملرد تەڭگەگە باعالانىپ وتىر.
2020 جىلدىڭ 11 ايىنىڭ قورىتىندىسى بويىنشا مەملەكەتتىك بيۋدجەتكە جينالعان سالىقتار مەن تولەمدەر وتكەن جىلدىڭ ۇقساس كەزەڭىنە قاراعاندا 1%-عا كوپ. بۇل رەتتە قالانىڭ مەملەكەتتىك بيۋدجەت كىرىستەرىندەگى ۇلەسى 23,5-تەن 25,7%-عا دەيىن ۇلعايدى.
«داعدارىسقا قارسى شارالاردى قابىلداۋ ناتيجەسىندە قالا ەكونوميكاسى تۇراقتاندىرىلدى. وسىلايشا, قالا ەپيدەميادان كەيىنگى كەزدە تەز قالپىنا كەلتىرۋ الەۋەتىن ساقتايدى», - دەپ اتاپ ءوتتى ب.ساعىنتاەۆ.
3 جەلتوقساندا ونلاين-فورماتتا وتكەن ينۆەستيتسيالىق فورۋمنىڭ ناتيجەلەرى بويىنشا 1,5 ترلن تەڭگە سوماسىنا 55 مەموراندۋم جاسالدى. ينۆەستورلاردىڭ جوعارى بەلسەندىلىگى 2020 جىلعى سىرتقى سوققىلارعا قاراماستان, الماتى ينۆەستيتسيالىق بەلسەندىلىكتىڭ حالىقارالىق ورتالىعى بولىپ قالاتىنىن راستايدى.