مەملەكەت باسشىسىنىڭ تاپسىرماسىنا سايكەس شىمكەنت قالاسىندا داعدارىسقا قارسى شارالار قابىلدانىپ, 26 مىڭنان استام كاسىپكەرلىك سۋبەكتىسى م ۇلىك جانە تابىس سالىقتارىنان بوساتىلدى, دەپ حابارلايدى Egemen.kz
بۇل تۋرالى شىمكەنت قالاسىنىڭ اكىمى مۇرات ايتەنوۆ پرەزيدەنت جانىنداعى وكق الاڭىندا وتكەن ءباسپاسوز بريفينگ كەزىندە باياندادى.
– قالادا كاسىپكەرلەردىڭ قارجىلىق جاعدايىن قالپىنا كەلتىرۋ ءۇشىن 1 482 سۋبەكتىنىڭ 13 ملرد تەڭگە نەسيە تولەمدەرىن كەيىنگە قالدىرۋعا قولداۋ كورسەتىلدى. قازىر قالا بويىنشا جالپى وڭىرلىك ونىمدەگى شاعىن جانە ورتا بيزنەستىڭ ۇلەسى 28,4 پايىزدى قۇراپ وتىر, – دەپ كورسەتتى مۇرات ايتەنوۆ.
سونىمەن قاتار, بيىل "بيزنەستىڭ جول كارتاسى-2025" اياسىندا بولىنەتىن قارجىنى 2 ەسەگە ۇلعايتىپ, 5,4 ملرد تەڭگە بولىنگەنىن جەتكىزدى.
ايتا كەتەيىك, قالادا 72 مىڭنان استام شاعىن جانە ورتا كاسىپكەرلىك سۋبەكتىلەرىندە 160 مىڭنان اسا ادام تۇراقتى جۇمىسپەن قامتىلعان.