ليۆياداعى ۇلىبريتانيا مەن كانادا ەلشىلىكتەرى ءوز جۇمىستارىن توقتاتتى. بۇل تۋرالى يتار-تاسس حابارلادى.
جەرگىلىكتى «تادامۋن» اگەنتتىگى مالىمدەگەندەي, ەلشىلىك قىزمەتكەرلەرى قاۋىپسىزدىك ماقساتىندا ءوز مىندەتتەرىن ورىنداۋدان باس تارتىپ وتىر.
تريپوليدەگى ۇلىبريتانيا مەن كانادا وكىلدىكتەرىنىڭ كونسۋلدىق بولىمدەرى ورنالاسقان عيمارات زاڭسىز قارۋلى قۇرىلىمداردىڭ باقىلاۋىندا تۇرعان كورىنەدى.
اگەنتتىكتىڭ ايتۋى بويىنشا, ەلدەگى «ليۆيا رەۆوليۋتسيونەرلەرىنىڭ جەدەل شتابى» اتتى بەدەلدى قۇرىلىم الي زەيدان باستاعان ۇكىمەتتىڭ وتستاۆكاعا كەتۋىن تالاپ ەتۋدە. بۇل ورايدا قارۋلى قۇرىلىمداردىڭ جەتەكشىلەرى جەدەل جينالىس وتكىزىپ, بىرلەسكەن ارەكەتتەرىن جوسپارلاماق.
«ليۆيا رەۆوليۋتسيونەرلەرىنىڭ جەدەل شتابى» سونداي-اق بۇۇ-نىڭ ليۆياداعى الەمدىك ۇيىم وكىلدەرىن قورعاۋ ءۇشىن قاۋىپسىزدىك پەن كۇزەت ماسەلەلەرى جونىندەگى دەپارتامەنتتەن 200 قىزمەتكەر جىبەرۋ جوسپارىنا نارازىلىق ءبىلدىردى. «ءبىز قانداي دا ءبىر شەتەل ۇيىمىنىڭ ەلدىڭ ىشكى ىستەرىنە ارالاسۋىنا قارسىمىز» – دەيدى قۇرىلىم وكىلدەرى.
ايدار ورىسباەۆ.
دەرەككوز: Itar-tass.com