كوكشەتاۋدىڭ كوركى ورمان-توعايى عانا ەمەس, توسكەيىندە جىرتىلىپ ايىرىلاتىن اڭ-قۇسىندا. بيىل «كوكشەتاۋ» ۇلتتىق پاركى قىراۋلى قىسقا قاپىسىز قامدانىپ وتىر.
جانۋارلار دۇنيەسىن قورعاۋ جونىندەگى مەملەكەتتىك ينسپەكتورلاردىڭ نەگىزگى قىزمەتى – جانۋارلار دۇنيەسىن, ونىڭ تىرشىلىك ەتۋ ورتاسى مەن بيولوگيالىق ارتۇرلىلىگىن ساقتاۋعا جانە كوبەيتۋگە, سونداي-اق تابيعات قورعاۋ زاڭناماسىن بۇلجىتپاي ورىنداۋعا باعىتتالعان. كوكشە قىسىنىڭ كەي جىلدارى ايازدى, سۋىق بولاتىنى ءمالىم. قار قالىڭ تۇسكەن جىلدارى قوراداعى مال عانا ەمەس, دالاداعى اڭ-قۇس تا شىعىنعا ۇشىراۋى كادىك.
قىسقا مۇقيات دايىندالعان ۇجىم بيىل 258 توننا ءشوپ, 243 مىڭ دانا سىپىرعىش دايىندادى. اڭدار الاڭسىز ازىقتانۋى ءۇشىن 24 دانا وتتىق قويىلدى. قۇستاردىڭ قورەكتەنۋ الاڭدارى جاساقتالدى. جەمشوپپەن بىرگە اڭ اعزاسىنا قۋات بەرەتىن قوسىمشا ازىقتار دا قامتىلدى.
ەگەر قار قالىڭ جاۋسا, ازىقتاندىرۋ الاڭدارىن ۋاقتىلى تازارتىپ وتىرماق. يەن دالانىڭ كوركى سانداعان اڭ-قۇستىڭ قىس سىناعىنان قىسىلماي شىعۋىن قامتاماسىز ەتەتىن ۇلتتىق پاركتىڭ قىزمەتكەرلەرى العاشقى قار تۇسكەننەن بەرى اڭ-قۇسقا اباي بولىپ ءجۇر.
اقمولا وبلىسى