ەلىمىزدەگى مەكتەپتەردىڭ اربىرىندە ەندى بالالار وكىلى بولادى. مەكتەپ وقۋشىلارى مەن كوللەدج ستۋدەنتتەرى اراسىنان سايلاناتىن بالالار وكىلى ءار وقۋ وشاعىنداعى بالالاردىڭ قۇقىقتارىن قورعاۋ ماسەلەلەرىمەن اينالىسادى. بۇل تۋرالى 20 قاراشا – دۇنيەجۇزىلىك بالالار كۇنى اياسىندا وتكەن بالالار وكىلدىكتەرىنىڭ العاشقى رەسپۋبليكالىق سلەتىندە ايتىلدى.
بۇدان بىلاي بەلسەندى بالالار بارلىق وزەكتى ماسەلە بويىنشا ءبىلىم جانە عىلىم مينيسترلىگىنىڭ جانىنداعى بالالاردىڭ قۇقىقتارىن قورعاۋ كوميتەتىمەن تىكەلەي بايلانىستا بولادى.
بالالاردىڭ قۇقىقتارىن قورعاۋ كوميتەتى توراعاسىنىڭ ورىنباسارى يۋليا وۆەچكينانىڭ: ء«بىز ءۇشىن بالالارمەن تىكەلەي جۇمىس ىستەپ, ولاردى قانداي سۇراقتاردىڭ قىزىقتىراتىنىن جانە مازالايتىنىن, ءوز دەڭگەيلەرىندە قانداي پروبلەمالاردى انىقتايتىنىن ءبىلىپ, وتىنىشتەرىنە جاۋاپ بەرۋ ماڭىزدى. ەلىمىزدە بەلسەندى ازاماتتىق ۇستانىمى بار ءارى ءوز پىكىرلەرىن اشىق ايتىپ, دوستارىنىڭ باستامالارىن قولداي الاتىن بالالار مەن جاسوسپىرىمدەردىڭ قاتارى قالىڭ. بالالار وكىلدەرىنىڭ بارلىعى ءبىزدىڭ چاتتا تىركەلەدى. ولار مەكتەپتە ورىن العان ءتۇرلى وقيعالار تۋرالى حابارلاپ, مەملەكەتتىك ورگاندار مەن ۇيىمداردىڭ جۇمىسىن جاقسارتۋ بويىنشا ءوز يدەيالارىن, ۇسىنىستارىن جەتكىزە الادى», دەگەنىنەن وسىنى اڭعارامىز.
بۇزاقىلىق پەن كيبەربۋللينگكە قارسى تۇرۋ, ينتەرنەت جەلىسىندە ءوزىن-ءوزى ۇستاۋ ەتيكاسى, ەكولوگيالىق ءبىلىم, ەرەكشە ءبىلىم بەرۋدى قاجەت ەتەتىن بالالارعا قاتىستى تولەرانتتىلىق ماسەلەلەرى رەسپۋبليكالىق سلەتتە تالقىلانعان تاقىرىپتارعا تۇزدىق بولدى. اتالعان ماسەلەلەردىڭ وڭ شەشىمىن تابۋعا ەندى سول وقۋشىلاردىڭ ءوزى اتسالىسپاق. قوعامدىق جۇمىستاردا ءوزىنىڭ بەلسەندىلىگىمەن تانىلىپ جۇرگەن 8-سىنىپ وقۋشىسى, بلوگەر مەدينا مايسار: ء«بىز جوبا شەڭبەرىندە بالالار قۇقىعىن قورعاۋ توڭىرەگىندەگى ماسەلەلەرگە ارالاسا الامىز. بۇل – وسى سالادا قالىپتاسقان جاعدايدى جاقسى جاققا وزگەرتىپ, ءوز ۇلەسىمىزدى قوسۋ ءۇشىن تاپتىرماس مۇمكىندىك», دەدى.