سوڭعى اپتادا تۇركىستان وبلىسى بويىنشا كوروناۆيرۋستىق ينفەكتسيامەن 22 ادام تىركەلىپ, اۋرۋشاڭدىق الدىڭعى اپتامەن سالىستىرعاندا 8 جاعدايعا وسكەن. ينفەكتسيالىق ستاتسيونارلاردا 6 ناۋقاس COVID-19 ينفەكتسياسىنان جانە 28 ادام ۆيرۋستى پنەۆمونيادان ەم قابىلداۋدا.
وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆتىڭ مالىمدەۋىنشە, وتكەن تاۋلىكتە زەرتحانالاردا كوروناۆيرۋستىق ينفەكتسياعا سىناما تاپسىرعان 2 233 ادامنىڭ ەكەۋىنەن وڭ ناتيجە شىققان. بۇگىندە وبلىستا تەست قالدىعى – 76 763. ىندەتتىڭ ىقتيمال ەكىنشى تولقىنىنا دايىندىق ماقساتىندا وڭىردە مەديتسينالىق ۇيىمداردىڭ ماتەريالدىق-تەحنيكالىق بازاسى ۇزدىكسىز جابدىقتالۋدا. 8 اۋرۋحانادا قوسىمشا وتتەگى ستانتسيالارى ورناتىلعان. سونداي-اق 80 بىرلىك وكسيگەناتسيا اپپاراتى (HI-FLOW) ساتىپ الىندى. بۇدان بولەك, وتتەگى كونتسەنتراتورلارىنىڭ سانى 900-گە جەتكىزىلىپ, وتتەگى نۇكتەلەرىنىڭ سانى 2 095 نۇكتەگە دەيىن ارتتىرىلعان.
بارلىق ەمدەۋ مەكەمەلەرىندە 2-3 ايلىق ءدارى-دارمەك قورى دايىن. جەدەل-جاردەم قىزمەتىنە 122 اۆتوكولىك قامتاماسىز ەتۋ جوسپارلانىپ, بۇگىندە 77 اۆتوكولىك جەتكىزىلگەن.