قر ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ءۇستىرت تابيعي قورىعىندا فوتوتۇزاققا تۇسكەن الدىڭعى ازيا الابارىسىنىڭ سۋرەتىمەن ءبولىستى, - دەپ حابارلايدى Egemen.kz
ء“ۇستىرت تابيعي قورىعىندا الابارىس (لەوپارد) فوتوتۇزاققا ءتۇسىپ قالدى. الدىڭعى ازيا لەوپاردى قورىق اۋماعىنا كورشى تۇركىمەنستاننان كەلگەن سياقتى”, - دەپ جازدى مينيستر Twitter پاراقشاسىندا. “الەمدە پوپۋلياتسياسى 870-1,3 مىڭنان اسپايتىن اڭ قازاقستاندا تەك ۇستىرتتە عانا كەزدەسىپ تۇرادى. سوندىقتان قورىقتى ءتيىستى كۇيىندە ساقتاپ, ونىڭ تەرريتورياسىندا جانە باسقا دا ەرەكشە قورعالاتىن تابيعي اۋماقتاردا تابيعات قورعاۋ شارالارىن قاتاڭ ساقتاۋ وتە ماڭىزدى”, - دەپ اتاپ ءوتتى مينيستر. قازاقستاندا الدىڭعى ازيا الابارىسىن باقىلاۋمەن ءۇستىرت قورىعىنىڭ قىزمەتكەرلەرى مەن CADI جوباسى اياسىندا بيوالۋانتۇرلىلىكتى ساقتاۋ قاۋىمداستىعى اينالىسادى. “قازىر ماماندار جانۋاردى قازاقستاننىڭ قىزىل كىتابىنا ەنگىزۋ جونىندە نەگىزدەمە دايىنداپ جاتىر”, - دەپ جازدى ماعزۇم مىرزاعاليەۆ.