شىمكەنتتە كارانتيندىك شەكتەۋلەر ۇزارتىلادى

"اشىق الاڭدا جۇمىس جاسايتىن قوعامدىق تاماقتاندىرۋ وبەكتىلەرىنىڭ جانە 50 ورىنعا دەيىن ارنالعان ۇستەلدەر ورنالاستىرىلعان ءۇي-جايداعى قوعامدىق تاماقتانۋ نىساندارىنىڭ (كافە, مەيرامحانالار, سپورت-بارلار, اسحانالار), ونىڭ ىشىندە ساۋدا-ويىن-ساۋىق كەشەندەرىنىڭ ىشىندە ورنالاسقان نىسانداردىڭ قىزمەتى جۇمىس, دەمالىس جانە مەرەكە كۇندەرى ساعات 07:00-دەن باستاپ 23:00-گە دەيىن شەكتەلەدى", دەيدى ءوڭىردىڭ باس سانيتار دارىگەرى.

سونداي-اق كەلۋشىلەرگە قىزمەت كورسەتپەيتىن جۇمىس ورىندارى ادەتتەگىدەي جۇمىس ىستەي بەرەدى;

سالتاناتتى, ەسكە الۋ ءىس-شارالارىن (بانكەتتەر, تويلار, ەسكە الۋ, تۋعان كۇندەر, مەرەيتويلار, شىعارىپ سالۋ, قۇدالىق, بەتاشار جانە ت.ب.) وتكىزۋگە تىيىم سالىنادى;

فۋدكورتتاردىڭ, بانكەت زالدارىنىڭ جۇمىسىنا, قوعامدىق تاماقتانۋ وبەكتىلەرىندە كاليان قولدانۋعا تىيىم سالىنادى

اجب بەكەتتەرى, اجب بەكەتىندەگى دۇكەندەر, اۆتو قوسالقى بولشەكتەر دۇكەندەرى, اۆتو-ەكسپرەسس (تاماقتى سىرتقا شىعارۋ), اۆتوجۋ, شينومونتاجداۋ, تىگىن شەبەرحانالارى, تۇرمىستىق تەحنيكانى جوندەۋ وبەكتىلەرى, حيميالىق تازالاۋ, كىر جۋ, تەلەفوندار مەن كومپيۋتەرلەردى جوندەۋ جۇمىستارى قالىپتى رەجىمدە جۇمىس ىستەي بەرەدى;

50-دەن استام وتىراتىن ورنى بار قوعامدىق تاماقتانۋ وبەكتىلەرى جۇمىس ىستەي المايدى. بۇل رەتتە جەتكىزۋدى نەمەسە شىعارۋ رەجىمىندە جۇمىس ىستەيتىن قوعامدىق تاماقتاندىرۋ وبەكتىلەرى قالىپتى رەجىمدە جۇمىس ىستەيدى;

قوعامدىق كولىك جۇمىس كۇندەرى, مەرەكە جانە دەمالىس كۇندەرى 7:00-دەن 23:00-گە دەيىن جۇرەدى. بۇل جاعدايدا جولاۋشىلار ماسكا كيىپ, اۆتوبۋس تولىمدىلىعى باقىلاۋدا بولۋى قاجەت.