«ۆala qorǵaý» تەلەگرامم-چاتى بالالاردىڭ قۇقىعى بۇزىلعان جاعدايلاردى جەدەل شەشۋگە مۇمكىندىك بەرەدى. بۇل تۋرالى بعم ءباسپاسوز قىزمەتى حابارلادى.
بعم بالالاردىڭ قۇقىقتارىن قورعاۋ كوميتەتى "BALA QORǴAÝ" تەلەگرامم-چاتى ارقىلى كەلىپ تۇسكەن 3 مىڭنان استام ءوتىنىشتى قاراستىردى. كامەلەتكە تولماعاندارعا قاتىستى بالالاردىڭ قۇقىعىن بۇزۋ, زورلىق-زومبىلىق نەمەسە قاتىگەز قارىم-قاتىناس فاكتىلەرىن جەدەل انىقتاۋ ماقساتىندا 2019 جىلدان باستاپ Telegram مەسسەندجەرىندە "BALA QORǴAÝ" تەلەگرامم-چات جۇمىس ىستەيتىندىگىن ايتا كەتكەن ءجون. بۇل تۋرالى بريفينگ بارىسىندا قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى بيبىگۇل اسىلوۆا حابارلادى.
تەك وسى جىلدىڭ كولەمىندە مينيسترلىك وكىلدەرى چاتقا كەلىپ تۇسكەن 3 مىڭنان استام ازاماتتىڭ وتىنىشتەرىن قاراستىرعان.
ء"اربىر جاعداي بارلىق ءمان-جاي انىقتالىپ, ماسەلە تولىق شەشىلگەنگە دەيىن ءبىزدىڭ باقىلاۋىمىزدا بولادى. ەندى قازاقستاندىقتار قاجەت بولىپ تۇرعان كومەك تۋرالى شۇعىل حابارلاپ, بالالاردىڭ قۇقىقتارىن قامتاماسىز ەتۋ ماسەلەلەرى بويىنشا مامانداردىڭ كەڭەسىن الۋ مۇمكىندىگىنە يە", – دەپ اتاپ ءوتتى ءبىلىم جانە عىلىم ۆيتسە-ءمينيسترى بيبىگۇل اسىلوۆا.
وسىلايشا, قر بعم ماماندارى, ءبىلىم بەرۋ سالاسىنداعى ساپانى قامتاماسىز ەتۋ جونىندەگى وڭىرلىك دەپارتامەنتتەر باسشىلارى, وبلىستىق ءبىلىم باسقارمالارى, قالالىق جانە اۋداندىق ءبىلىم بولىمدەرى باسشىلارى, پسيحولوگتار مەن الەۋمەتتىك پەداگوگتەر بىرلەسە وتىرىپ, ومىرلىك قيىن جاعدايعا تاپ بولعان بالالار مەن ولاردىڭ وتباسىلارىنىڭ وتىنىشتەرىن تاۋلىك بويى قابىلدايدى. چاتقا قوسىلۋ ءۇشىن Telegram قوسىمشاسىنىڭ ىشىندە "bala_qorgau" ءسوزىن تەرۋ نەمەسە https://t.me/bala_qorgau سىلتەمەسى بويىنشا ءوتۋ قاجەت ەكەنىن ەستەرىڭىزگە سالامىز.