ورىنبور وبلىسىنىڭ گۋبەرناتورى دەنيس پاسلەرمەن كەلىسسوز بارىسىندا نەگىزگى تاقىرىپ جايىق ترانسشەكارالىق وزەنىن ساقتاپ قالۋ باعدارلاماسى بولدى, دەپ حابارلايدى Egemen.kz.
ورىنبور وبلىسىنىڭ باسشىسىمەن وتكىزىلگەن بەينەكونفەرەنتسيا بارىسىندا عالي ەسقاليەۆ جايىق وزەنىنىڭ پروبلەماسىن شەشۋدىڭ باعدارلاماسىن بىرلەسىپ ناقتىلاۋ قاجەتتىلىگىن ايتتى.
گۋبەرناتور دەنيس پاسلەر بۇگىندە تابيعي رەسۋرستار مينيسترلىگى رەسەي فەدەراتسياسىنىڭ پرەزيدەنتىنە باعدارلامانىڭ دايىندىعى جانە قارجىلاندىرۋ كوزىن انىقتاۋ تۋرالى ەسەپ دايىنداپ جاتقانىن اتاپ ءوتتى.
- بۇگىندە وڭىرلەر اراسىندا عىلىمي ىنتىماقتاستىق قارقىندى دامىپ كەلەدى. ماسەلەن, بۇرىن ورىنبور سيىر ەتى ينستيتۋتىنىڭ قىزمەتكەرلەرى بقو-عى قازاقتىڭ اقباس تۇقىمدى ءىرى قارا مالىن وسىرۋمەن باتىسقازاقستاندىق عالىمدارمەن بىرلەسە اينالىسقان. وسى ىنتىماقتاستىقتى قايتا جانداندىرۋ قاجەت دەپ سانايمىن.
سونىمەن قاتار بقو عالىمدارى رەسەي عىلىم اكادەمياسى, ۋرال بولىمشەسىنىڭ دالا ينستيتۋتىمەن, رەسەي فەدەراتسياسىنىڭ بيولوگيالىق جۇيەلەر مەن اۋىلشارۋاشىلىق تەحنولوگيالار فەدەرالدى عىلىمي ورتالىعىمەن جۇمىس ىستەۋگە دە مۇددەلى, - دەدى وبلىس اكىمى.
بقو ەت, ترانسفورماتور, پوليەتيلەن قۇبىرلارىن ەكسپورتتايدى. ورىنبور وبلىسىندا ازىق-ت ۇلىك ءوندىرىسى جاقسى دامىعان. ونى ءبىزدىڭ ايماققا ەكسپورتتاۋدىڭ بولاشاعى بار. بقو اكىمى ەكى ايماق اراسىندا ىسكەرلىك ىنتىماقتاستىق كلۋبىن قۇرۋدى ۇسىندى.
وبلىس اكىمدىگى ورىنبور كاسىپكەرلەرىنىڭ بقو-نىڭ ينۆەستيتسيالىق جوبالارىنا قاتىسا الاتىنىن ايتا كەتىپ, وڭىردە ينۆەستورلارعا بارلىق جاعداي جاسالعانىڭ اتاپ ءوتتى.
كەلىسسوز بارىسىندا ءبورلى اۋدانىنىڭ تۇرعىندارىن مازالايتىن سۇراق تا كوتەرىلدى. بۇل ورىنبور وبلىسىنىڭ تاشلا اۋدانىنداعى گاز كەن ورنىنداعى گاز قالدىقتارىن شامادان تىس اۋا شىعۋى تۋرالى بولدى.
عالي ەسقاليەۆ وسى ماسەلە بويىنشا باقىلاۋدى كۇشەيتىپ, ءبىزدىڭ ءوڭىردىڭ ماماندارىنا گاز قالدىقتارىن اۋاعا شىعۋ مولشەرىن ولشەيتىن قۇرىلعىلارمەن جۇمىس ىستەۋگە رۇقسات بەرۋدى ۇسىندى. ورىنبور وبلىسىنىڭ گۋبەرناتورى وبلىس اكىمىنىڭ ۇسىنىسىن قولدادى.
ءدال سول كۇنى عالي ەسقاليەۆتىڭ ساراتوۆ وبلىسىنىڭ باسشىسىمەن ونلاين-كەزدەسۋ وتكىزدى. كەلىسسوزدىڭ تاقىرىبى «فومين» وتكىزۋ پۋنكتى ارقىلى اۆتوموبيلدەردى وتكىزۋ جۇمىستارىنا دايىندىق تۋرالى بولدى.
ۆالەري راداەۆتىڭ ايتۋىنشا, الەكساندروۆ گايدان «فومين» بەكەتىنە دەيىنگى جولدى جوندەۋ 2021 جىلى باستالادى. جوندەۋ جۇمىستارى اياقتالعاننان سوڭ, «فومين» وتكىزۋ پۋنكتىن اۆتوكولىكتەرگە اشۋ جوسپارلانىپ وتىرعانىن جەتكىزدى.
بقو اكىمىنىڭ ايتۋىنشا, ىقم ەتىن اتالعان پۋنكت ارقىلى وتكىزۋ ەكى جاققا دا ءتيىمدى جانە وسى باعىتتىڭ ۇلكەن الەۋەت بار ەكەنىن ايتتى. سونداي-اق, عالي ەسقاليەۆ بقو تاراپى بەكەتتىڭ جۇمىسى جاندانۋ ءۇشىن قاجەتتى ينفراقۇرىلىم سالۋعا دايىن ەكەندىگىن ايتتى.
كەزدەسۋدە عالي ەسقاليەۆ ەكى ايماقتىڭ كاسىپكەرلەرى اراسىنداعى ىسكەرلىك ىنتىماقتاستىق كلۋبىنىڭ جاقسى جۇمىس جاساپ تۇرعانىن اتاپ ءوتتى. بقو-دا كۆي ءورشىپ تۇرعان كەزدە ساراتوۆ وبلىسىنىڭ كاسىپكەرلەرى جەكە قورعانىس قۇرالدارىن جەتكىزىپ قولداۋ كورسەتتى. سونىمەن قاتار, ساراتوۆ مەملەكەتتىك مەديتسينا ۋنيۆەرسيتەتىنىڭ قىزمەتكەرلەرى مەن جەرگىلىكتى دارىگەرلەر اراسىندا كاسىبي كەڭەس الماسۋ جوعارى دەڭگەيدە بولعانىن اتاپ ءوتتى.
گۋبەرناتورلارمەن بولعان ەكى ونلاين-كەزدەسۋ بارىسىندا وبلىس اكىمى ەپيدەميولوگيالىق احۋال جاقسارعان جاعدايدا, كەلەسى جىلى ەكولوگيالىق, سپورتتىق جانە مادەني ءىس-شارالاردى, ەكىجاقتى ساۋدا جارمەڭكەلەرىن ۇزبەي وتكىزىپ تۇرۋدى ۇسىندى.