ماي اۋدانىنىڭ پوليتسەيلەرى "مال ۇرلاۋ" جەدەل الدىن الۋ ءىس-شاراسى بارىسىندا كاماز اۆتوكولىگىن توقتاتتى, دەپ حابارلايدى Egemen.kz.
"پوليتسەيلەر قۇقىق بەلگىلەيتىن قۇجاتتاردى تەكسەرۋ كەزىندە شىعىس قازاقستان وبلىسىنىڭ تۇرعىنى, 36 جاستاعى جۇرگىزۋشىنىڭ 160 باس قويدى زاڭسىز تاسىمالداعانىن انىقتادى. ونىڭ ءتيىستى قۇجاتتارسىز, اتاپ ايتقاندا, ۆەتەرينارلىق ينسپەكتسيا انىقتامالارى مەن جانۋارلاردىڭ تولقۇجاتتارى بولماعان", دەدى اۋداندىق پوليتسيا ءبولىمىنىڭ باستىعى نىعمەتوللا قابباسوۆ. اتالعان فاكتى بويىنشا ۋچاسكەلىك پوليتسيا ينسپەكتورى ماتەريال جيناپ, قر اقبك 406-بابىنا سايكەس شەشىم قابىلداۋ ءۇشىن ۆەتەريناريالىق ينسپەكتسيا كوميتەتىنە جىبەردى, ەندى ءتارتىپ بۇزۋشىعا 10 اەك مولشەرىندە ايىپپۇل سالىنادى.
ەر ادام شىعىس قازاقستان وبلىسىندا قويلاردى ارزان باعامەن ساتىپ العانىن جانە ونى ءوز شارۋاشىلىعى ءۇشىن تاسىمالداعانىن ءتۇسىندىردى.
ەستەرىڭىزگە سالا كەتەيىك, جەدەل الدىن الۋ ءىس-شاراسى كەزىندە پوليتسيا قىزمەتكەرلەرى مال مەن ەت ونىمدەرىن تاسىمالدايتىن اۆتوكولىكتەردى ءتيىستى قۇجاتتامانىڭ بولۋىنا جانە تاسىمالداناتىن مالدىڭ تيەسىلى مە ەكەنىن تەكسەرۋ ماقساتىندا تەكسەرۋگە ەرەكشە نازار اۋدارادى. مال جانە ەت ونىمدەرى ساتىلاتىن بازارلار, ساۋدا ورتالىقتارى تەكسەرۋدەن وتەتىن بولادى.