اقسۋ كەن ورنىندا اشىق تاۋ-كەن جۇمىستارى باستالدى

اقسۋ كەن الاڭى التى كەن ۋچاسكەسىنەن تۇرادى: باتىس, ورتالىق, ستاراتەلسكي, I وكتيابرسكي, II وكتيابرسكيجانە بۋدەننوۆسكي.

"التىنالماس اك" اق كۇشىمەن اقسۋ كەن ورنىنىڭ ءىى وكتيابرسكي الاڭىندا اشىق تاۋ-كەن جۇمىستارى باستالدى. كارەردىڭ جوبالىق قۋاتى جىلىنا 5 000 مىڭ توننا كەن جانە 36 040 مىڭ توننا تاۋ-كەن ماسساسى. 2020 جىلدىڭ قورىتىندىسى بويىنشا كەن ءوندىرۋ 260 مىڭ توننانى قۇرايدى دەگەن بولجام بار. ال 2021 جىلى جىلىنا 5 000 مىڭ توننا كەن وندىرەتىن جوسپارلى وندىرىستىك قۋاتقا شىعۋ كوزدەلىپ وتىر.

پايدالى قازبالار جوبانىڭ جەكە التىن شىعاراتىن فابريكاسىندا وڭدەلەتىن بولادى, ونىڭ قۇرىلىسى 2021 جىلدىڭ 2-توقسانىنا اياقتالادى دەپ جوسپارلانعان.

اشىق تاۋ-كەنجۇمىستارىن جۇرگىزۋ ءۇشىن ەڭ زاماناۋي "HITACHI" 1900/2600 كارەرلىك ەكسكاۆاتورلارى, "CAT" 777E كارەرلىك جۇك تۇسىرگىشتەرى, "CAT" ۇلگىسىندەگى تيەۋ ماشينالارى مەن بۋلدوزەرلەر جۇمىلدىرىلعان.

قازىرگى ۋاقىتتا "اقسۋ" جوباسىنىڭ شتاتىندا 95 قىزمەتكەر جۇمىسپەن قامتىلعان. جوبا تولىق وندىرىستىك قۋاتقا شىققان كەزدە جالپى شتات 754 ادامدى قۇراپ, 659 قوسىمشا جۇمىس ورنىن اشۋ جوسپارى بار.