جۋىردا نۇر-سۇلتان قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ «حالىق ءانى» ءبولىمى ء«ان بازارى – قاراوتكەل» اتتى ونلاين كونتسەرتتى كورەرمەن نازارىنا ۇسىندى.
قاراوتكەل زامانىندا كەڭىنەن شىرقالعان اندەردى بۇگىنگى تولقىنعا قايتا جاڭعىرتقان كونتسەرت تىڭدارمانداردى وتكەن شاقپەن قاۋىشتىردى. ءوز زامانىنىڭ بۇلبۇلدارىن ءبىر ارناعا توعىستىرعان ونەر كەشىندە حالىق اندەرى «قارعام-اۋ» مەن ء«شيلى وزەن», عازيز فايزوللا ۇلىنان «شالقىما», ءبىرجان سالدان «اداسقاق» پەن «ايتباي», اقان سەرىنىڭ اندەرى – «بالقاديشا» مەن ء«شامسي-قامار», مايرانىڭ «تولقىماسى», جاياۋ مۇسانىڭ «كوگارشىن», ساتماعامبەتتىڭ «قاناتتالدى» تۋىندىلارى شىرقالدى. ۇيىمداستىرۋشىلاردىڭ ايتۋىنشا, ءداستۇرلى ءان كەشى بولاشاقتا اۋقىمدى كونتسەرتپەن حالىققا ۇسىنىلاتىن بولادى.