الماتى اكىمى كاسىپكەرلەرگە الدا كۇردەلى كەزەڭ تۇرعانىن ەسكەرتتى

باقىتجان ساعىنتاەۆ قالا تۇرعىندارىنىڭ سۇراقتارىنا جاۋاپ بەرە وتىرىپ, 32 مونتورينگتىك توپتىڭ بەلگىلەنگەن شەكتەۋلەردىڭ ساقتالۋىن قاداعالايتىندارىن ەسكە سالدى. 8 قازاننان 17 قاراشا ارالىعىندا 444 رەيد جۇرگىزىلدى, ونىڭ بارىسىندا 3,6 مىڭعا جۋىق نىسان تەكسەرىلدى.

تەكسەرۋ بارىسىندا 828 نىساندا (22,5%) بۇزۋشىلىقتار انىقتالدى, 90 زاڭدى تۇلعاعا 28,7 ملن تەڭگە كولەمىندە 453 اكىمشىلىك ايىپپۇل سالىندى. ماسكا رەجيمىن بۇزعان جەكە تۇلعالارعا 15,5 ميلليون تەڭگە ايىپپۇل سالىنىپ, 374 اكىمشىلىك قۇقىق بۇزۋشىلىق حاتتاما تولتىرىلدى.

«الدا كۇردەلى كەزەڭ كۇتىپ تۇر, اۋرۋ ءورشي تۇسەتىن بولادى. ۆاكتسينا پايدا بولعانشا ءبىز سانيتارلىق-ەپيدەميالىق قاۋىپسىزدىك شارالارىن قاتاڭ ساقتاۋعا ءتيىسپىز», - دەپ اتاپ ءوتتى ب. ساعىنتاەۆ.

مەگاپوليس اكىمى ويىن ساۋىق جانە قوعامدىق تاماقتاندىرۋ سالالارىندا جۇمىس ىستەيتىن شوب وكىلدەرىن وسىناۋ كۇردەلى كەزەڭدە ىنتىماقتاستىق تانىتۋعا قادام جاساۋعا شاقىردى. «ەگەر ءبىز بىرىمىزگە-ءبىرىمىز كومەكتەسپەسەك, شەكتەن شىققان زاڭ بۇزۋشىلىقتار جالعاسادى, ياعني كوروناۆيرۋس ينفەكتسياسىن جۇقتىرعاندار سانى ارتاتىن بولادى. سوندىقتان الماتىلىق ىنتىماقتاستىقتى تانىتىپ, كارانتينگە قاتىستى بەلگىلەنگەن جۇمىس كەستەسىن ساقتاۋ قاجەت», - دەپ اتاپ ءوتتى ب. ساعىنتاەۆ.