الماتىلىق جۋرناليستەر ەلىمىزدەگى ەڭ باي گەرباريگە باردى

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ الماتى قالاسىنداعى فيليالى-اگروحيميالىق, توپىراقتى زەرتتەۋ جانە كەشەندى–ىزدەستىرۋ جۇمىستارى دەپارتامەنتى باق وكىلدەرى ءۇشىن 2020 جىلدىڭ 9 ايىنداعى جۇمىس قورىتىندىسى بويىنشا ءباسپاسوز تۋرىن ۇيىمداستىردى.

تۋرعا قاتىسۋشىلار مەكەمەنىڭ كورمە زالىندا 60 جىلدان استام ۋاقىت بويى جينالعان مۇراعاتتىق ماتەريالدارمەن تانىستى. سونداي-اق, جۋرناليستەردىڭ نازارىنا دەپارتامەنتتىڭ باي گەرباري قورى ۇسىنىلدى, وندا جاپىراقتاردىڭ 10 مىڭ ءتۇرى جانە وسىمدىكتەردىڭ 3 مىڭ ءتۇرى ساقتالعان. سونىمەن قاتار, باق وكىلدەرى زاماناۋي اگروحيميالىق زەرتحاناعا باردى.

«قازىرگى ۋاقىتتا ءبىزدىڭ ماماندار دالالىق جۇمىستاردى پىسىقتاپ, كامەرالدىق جۇمىستاردى جانە ەلەكتروندىق كارتالاردى جاساۋمەن اينالىسۋدا. التى اۋىلدىق وكرۋگتە 690 مىڭ گەكتار القاپتا توپىراق ىزدەستىرۋ بويىنشا ەلەكتروندىق كارتالار جاسالىپ, مقىسا-عا بىرىكتىرىلەتىن بولادى. بۇدان باسقا (2020 جىلدىڭ 9 ايىندا) جامبىل وبلىسىنىڭ جامبىل جانە ت.رىسقۇلوۆ اۋداندارىندا – 500,0 مىڭ گا. جۇمىستار اياقتالدى. 300-دەن اسا شارۋا قوجالىقتارىن پاسپورتتاۋ جۇمىستارى جۇرگىزىلدى.سونىمەن قاتار, 3100,0 مىڭ گەكتار الاڭعا  گەوبوتانيكالىق زەرتتەۋ  جۇرگىزىلىپ, ەندى ونىڭ ەلەكتروندىق گەوبوتانيكالىق كارتالارى جاسالۋدا», - دەيدى دەپارتامەنت ديرەكتورى   بولات جىلقىبەكوۆ.

دەپارتامەنت 2020 جىلدىڭ مامىر-قازان ايلارى ارالىعىندا 690 مىڭ گا القاپتا توپىراق زەرتتەۋ, 670 مىڭ گا جۋىق القاپتا اۋىل شارۋاشىلىعى ماقساتىنداعى جەرلەردىڭ توپىراق بونيتيروۆكاسىن انىقتاۋ, 400 مىڭ گا القاپتا جەر مونيتورينگى بويىنشا جۇمىس ۇيىمداستىردى, 690 مىڭ گا جەرگە ارنالعان ەلەكتروندىق توپىراق كارتاسى جاسالدى.

ء«بىزدىڭ مامانداردىڭ ەڭبەگى جوعارى باعاعا لايىق. بيىل ءار بريگادانىڭ قۇرامىندا 4 ادام بار 10 دالالىق بريگادا قۇرىلىپ, جۇمىس ىستەدى. ءاربىر تەكسەرۋ بريگاداسى ورتا ەسەپپەن 75 مىڭ گەكتار جايىلىم مەن شابىندىقتى يگەرگەن. ءبىر شابۋ الاڭى 1,7 گەكتاردى سيپاتتايدى, رەلەفكە جانە تۇرلەرگە بايلانىستى ولار كوپ بولۋى دا مۇمكىن. كۇنىنە ورتا ەسەپپەن 1,9 گەكتار جەرگە زەرتتەۋ جۇرگىزىلىپ وتىردى», - دەيدى بولات جىلقىبەكوۆ.

الماتى