يەلەرى جۇرگىزۋشى كۋالىگىنەن ايىرىلعان كولىك قۇرالدارىنىڭ نومىرلەرىن ەندى جۇيە انىقتايدى. بۇل تۋرالى نۇر-سۇلتان قالاسى اكىمىنىڭ ورىنباسارى ماليكا بەكتۇروۆا ءوزىنىڭ تەلەگرام ارناسىندا جازدى, دەپ حابارلايدى Egemen.kz
"ەگەر جولداعى كامەرالار مۇنداي ماشينالاردى انىقتاسا, ولاردىڭ قوزعالىسى تۋرالى اقپارات بىردەن پوليتسيا قىزمەتكەرلەرىنە تۇسەدى. جۇيەنىڭ مۇمكىندىكتەرى اعىننان "قاۋىپتى اۆتوكولىكتى" جاقىن ماڭداعى پوليتسيا بەكەتىنەن 3-6 كم قاشىقتىقتا انىقتاۋعا مۇمكىندىك بەرەدى. ءارى قاراي مۇنداي جۇرگىزۋشىنىڭ باعىتىن بىرنەشە سەكۋندقا دەيىن ەسەپتەۋگە بولادى", دەدى ماليكا بەكتۇروۆا.
ەكى اپتادان استام ۋاقىت ىشىندە ەلوردالىق پوليتسيا قىزمەتكەرلەرى الكوگولدىك نەمەسە ەسىرتكىلىك ماس كۇيىندە كولىك قۇرالىن باسقارعانى ءۇشىن 108 ادامدى جاۋاپقا تارتتى. ولاردىڭ توعىزى بۇرىن جول ەرەجەسىن بۇزعانى ءۇشىن جۇرگىزۋشى كۋالىگىنەن ايىرىلعان.