ىشەك جولدارىنىڭ رەاكتسياسى نەمەسە قاراپايىم تىلمەن ايتقاندا, بۇزىلۋى ميدىڭ ۆيرۋستان قورعانا باستاۋىنىڭ بەلگىسى ەكەن. ياعني ىشەك جولدارىنداعى رەاكتسيا قانداي دا ءبىر ۆيرۋستىڭ ميعا ەنگىسى كەلەتىنىنەن حابار بەرەدى. عالىمداردىڭ تاجىريبەسى وسىنداي قورىتىندىعا اكەلگەن.
Nature جۋرنالىنىڭ قاراشاداعى سانىندا جاريالانعان, 20 عالىم بىرىگىپ ازىرلەگەن عىلىمي-زەرتتەۋ ماقالادا تىشقاندارعا زەرتتەۋ جاسالعانى جازىلعان. تىشقانداردا جۇرگىزىلگەن جاڭا زەرتتەۋدىڭ قورىتىندىسىندا يممۋندىق جاسۋشالار الدىمەن ىشەكتە پاتوگەندەردى (ساڭىراۋقۇلاق, ۆيرۋس, باكتەريا سەكىلدى ميكرواعزالار) تانۋعا جانە ولارعا قارسى تۇرۋدى ۇيرەنىپ, سودان كەيىن اعزانى قورعاۋ ءۇشىن ميدىڭ بەتىنە قونىس اۋداراتىنى انىقتالدى.
عالىمداردىڭ ايتۋىنشا, ءار مينۋت سايىن مي ارقىلى 750 ميلليليتر قان وتەدى, سول ساتتە باكتەريالار, ۆيرۋستار اعزانى ءبۇلدىرۋى مۇمكىن. كوبىنە ۆيرۋس جۇقتىرۋشىلاردى نەمەسە اعزانى بۇلدىرۋشىلەردى مي قابىعى ۇستاپ تۇرادى. مي قابىعى – مي مەن ج ۇلىننىڭ اينالاسىن قورشاپ, فيزيكالىق توسقاۋىل قىزمەتىن اتقاراتىن ءۇش مەمبرانالىق قابات. ەگەر پاتوگەن وسى توسقاۋىلدى بۇزا السا, زەرتتەۋشىلەردىڭ پىكىرىنشە, ىشەكتە جاتتىققان يممۋندىق جاسۋشالار انتيدەنەلەر باتالونىن شىعارۋ ارقىلى شابۋىلعا دايىن بولادى.
كەمبريدج ۋنيۆەرسيتەتىنىڭ يممۋنولوگى مەننا كلاتۆورتي: «قوزدىرعىشتار ەڭ كوپ جاعدايدا ىشەك جولدارى ارقىلى قانعا وتەدى. سوندىقتان يممۋندىق جاسۋشالاردىڭ ىشەكتە بولاتىن زاتتاردى تانۋ ءۇشىن ءبىلۋى, جاتتىعۋى جانە تاڭداۋى وتە ۇلكەن مانگە يە. دەمەك, بۇل مي قابىعىندا نە بولاتىنىن, نەنىڭ بار ەكەنىن انىقتاۋدا ىشەكتىڭ جۇمىسى قانشالىقتى ماڭىزدى بولاتىندىعىنىڭ كەرەمەت كورىنىسى بولدى», دەيدى.
ءوزى دە وسى زەرتتەۋگە قاتىسقان جانە جوعارىدا اتالعان جۋرنالداعى ماقالانى جازۋعا اتسالىسقان عالىم م.كلاتۆورتيدىڭ مالىمدەۋىنشە, زەرتتەۋشىلەر تىشقانداردىڭ مي قابىعىنداعى شابۋىلدىڭ ميكروسكوپتىق سۋرەتتەرىن ءتۇسىردى, ونى ىشەكتە جاتتىقتىرعان پلازمالىق جاسۋشالار باسقاردى. تىشقانداردىڭ قانىنا كوماندا كوبىنەسە ىشەكتە كەزدەسەتىن پاتوگەندى ساڭىراۋقۇلاقتى قوندىرعاندا, ساڭىراۋقۇلاق مي قابىعىنداعى قان تامىرلارىنىڭ قابىرعالارى ارقىلى ميعا ەنۋگە تىرىسقان. الايدا مەمبرانالارداعى پلازمالىق جاسۋشالار پاتوگەننىڭ اينالاسىندا IgA انتيدەنەلەرىنەن جاسالعان تور قۇرىپ, ونىڭ ەنۋىنە كەدەرگى جاساپتى. پلازما جاسۋشالارى قان تامىرلارىنىڭ بويىندا ورنالاسقان, ولار تەز قوزدىرعىشتارعا شابۋىل جاساي الادى.
بۇل زەرتتەۋدىڭ قورىتىندىسى قاراپايىم ادامعا ىشەك جولدارىنىڭ بۇزىلىسىنا بەيجاي قاراماۋ كەرەگىن ەسكەرتەتىندەي.