تۇركىستان وبلىسىندا 2 ميلليوننان استام تۇرعىننىڭ 80 مىڭدايى Nur Otan پارتياسىنىڭ مۇشەسى. پرايمەريزگە قاتىسۋ كورسەتكىشى بويىنشا ءوڭىر الدىڭعى قاتاردا. پارتيانىڭ وبلىستىق فيليالىنىڭ كەزەكتەن تىس XL كونفەرەنتسياسىندا پارلامەنت ءماجىلىسى دەپۋتاتتىعىنا ۇمىتكەرلەر تىزىمى انىقتالدى, دەپ حابارلايدى Egemen.kz.
پرايمەريز قورىتىندىسى بويىنشا اۋدان, قالالاردان ەڭ جوعارى داۋىس العان 15 جانە وبلىس ورتالىعى سانالاتىن تۇركىستان قالاسىنان 7 ۇمىتكەر, سونىمەن بىرگە ءماجىلىس دەپۋتاتى قۇدايبەرگەن ەرجان, جالپى 23 ازامات شەشۋشى دەباتقا قاتىستى. ولار ءوڭىردىڭ وزەكتى ماسەلەلەرىن قوزعاپ, شەشۋ جولدارىن ۇسىندى. كونفەرەنتسياعا قاتىسقان دەلەگاتتار ارنايى كابينالاردا «پرايمەريز» اقپاراتتىق جۇيەسى ارقىلى ەلەكتروندى فورماتتا داۋىس بەردى. ناتيجەسىندە قاينار اباسوۆ («حلوپكو-پروم-تسەلليۋلوزا» جشس-ءنىڭ باس ديرەكتورى – 127 داۋىس), قۇدايبەرگەن ەرجان ء(ماجىلىس دەپۋتاتى – 120 داۋىس), سىرىم ەرتاەۆ («قايىپ اتا» جشس-ءنىڭ ديرەكتورى – 118 داۋىس), ءمولدىر باقىتجانوۆا (قۇرمانعازى قازاق ۇلتتىق كونسەرۆاتورياسىنىڭ وپەرا ءانشىسى – 115 داۋىس), گۇلجان قۇرمانبەكوۆا (وبلىس اكىمىنىڭ كەڭەسشىسى – 110 داۋىس) حايرۋللا قوجاباەۆ («كازترانسفورماتور» جشس-ءنىڭ ديرەكتورى – 107 داۋىس) جانە ۇلجانات جۇرىمبەتوۆا (ماقتاارال اۋداندىق «اتاكەنت» اۋرۋحاناسىنىڭ باس دارىگەرى – 100 داۋىس) دەلەگاتتاردىڭ سەنىمىنە يە بولىپ, ۇزدىك اتاندى.
وبلىس اكىمى, Nur Otan پارتياسى وبلىستىق فيليالىنىڭ توراعاسى ومىرزاق شوكەەۆ جەڭىمپازدارعا ساتتىلىك تىلەدى. كوپ داۋىس جيناعان كانديداتتار ءماجىلىستىڭ وڭىرلىك كۆوتاسىنا سايكەس پارتيالىق تىزىمگە ەنگىزۋ ءۇشىن سەزگە ۇسىنىلادى.
تۇركىستان وبلىسى