الماتى قالاسىنىڭ اكىمى باقىتجان ساعىنتاەۆ مەگاپوليستى دامىتۋ جونىندەگى قالا تۇرعىندارىنىڭ باستامالارىن تالقىلاۋ جانە ولاردىڭ ۇسىنىستارىن نازارعا الۋ بويىنشا iAzamat ينتەراكتيۆتى قوسىمشاسىنىڭ اشىلعانى تۋرالى حابارلادى, دەپ جازادى Egemen.kz
"كۇن تارتىبىندە – قالا الدىندا تۇرعان مىندەتتەردى جەرگىلىكتى اتقارۋشى ورگانداردىڭ ازاماتتىق قوعاممەن ءوزارا ءىس-قيمىلى ارقىلى شەشۋ. ونلاين-سەسسيا بارىسىندا ەكولوگيا مەن تسيفرلاندىرۋ, دەنساۋلىق ساقتاۋ, ءبىلىم بەرۋ, الەۋمەتتىك قورعاۋ, مادەنيەت پەن سپورت ماسەلەلەرى تالقىلانادى", دەپ جازدى مەگاپوليس اكىمى.
الماتى اكىمى ب.ساعىنتاەۆ جالپىقالالىق iAzamat پلاتفورماسىنىڭ بەتا-نۇسقاسىننىڭ ىسكە قوسىلعانى تۋرالى ايتتى.
"باستامالاردى تالقىلاپ, مەگاپوليستى دامىتۋ بويىنشا ۇسىنىستاردى ازىرلەۋ ءۇشىن ءتيىمدى كوممۋنيكاتسيالىق الاڭداردىڭ ءبىرى رەتىندە ءىاzamat جالپىقالالىق پلاتفورماسىنىڭ بەتا-نۇسقاسى بۇگىن ىسكە قوسىلادى. الماتىلىقتار قالاداعى جوبالارعا داۋىس بەرىپ, وزەكتى ماسەلەلەردى كوتەرىپ, وداعى جاڭالىقتاردى ءبىلىپ وتىرادى", دەپ اتاپ ءوتتى ب. ساعىنتاەۆ.
قالا اكىمىنىڭ ايتۋىنشا, جاڭا ينتەراكتيۆتى قۇرال ازاماتتىق قوعامنىڭ باسقارۋ جانە شەشىم قابىلداۋ پروتسەسىنە قاتىسۋىن كەڭەيتەدى.
ء"بىزدىڭ ارقايسىمىز الماتىنىڭ ءومىرىن جاقسارتۋ بويىنشا جاڭا يدەيالار مەن ۇسىنىستاردىڭ باستاماشىسى بولا الامىز", دەدى ول.
ەسكە سالساق, الماتى قالاسىنىڭ اكىمى ب.ساعىنتاەۆ قوسىمشانى ازىرلەۋ تۋرالى تاپسىرمانى اعىمداعى جىلدىڭ كوكتەمىندە بەرگەن ەدى. قوسىمشا ارقىلى تۇرعىندار قالا جوبالارىنا داۋىس بەرىپ, قالا باستامالارىن تالقىلاۋعا قاتىسىپ, مەگاپوليستىڭ ومىرىنەن حاباردار بولا الادى.
الماتى "ازاماتتىق قوعامدى دامىتۋ: جاڭا سىن-قاتەرلەر جانە قوعام مەن مەملەكەت يگىلىگى ءۇشىن مىندەتتەر" اتتى الماتى قالاسىنىڭ ءحىى ازاماتتىق فورۋمىنىڭ جۇمىسىنا ازاماتتىق قوعام وكىلدەرى قاتىسۋدا.
ازاماتتىق فورۋمنىڭ پلەنارلىق بولىمىنە قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى ايدا بالاەۆا, الماتى قالاسى قوعامدىق كەڭەسىنىڭ توراعاسى راحمان الشانوۆ, "الماتى قالاسىنىڭ كاسىپوداقتار ورتالىعى" اۋماقتىق كاسىپوداقتار بىرلەستىگىنىڭ ءتورايىمى زاۋرەش ومىرباەۆا, ۇەۇ وكىلدەرى قاتىستى.