ۇلتتىق جاڭعىرۋ بويىنشا جول كارتاسى ازىرلەنۋدە

اقپارات جانە قوعامدىق دامۋ ۆيتسە-ءمينيسترى بولات تلەپوۆ وب­لىستىق «رۋحاني جاڭعىرۋ» جوبا­لىق كەڭسەسى قىزمەتكەرلەرىمەن كەزدەسۋدە وسىلاي دەدى. تۇركىستان وبلىسىنا جۇمىس ساپارى بارىسىندا بولات تلەپوۆ وبلىس اكىمىنىڭ ورىنباسارى ساكەن قالقامانوۆپەن بىرگە تۇركىستانداعى «كونگرەسس-حولل», «الاتاۋ مەديا» جانە «ساپار» ور­تالىقتارىن ارالاپ كورىپ, جۇ­مىس­تارىمەن تانىس­تى. مۇنان سوڭ ۆيتسە-مينيستر قوجا احمەت ياسساۋي اتىنداعى قازاق-تۇرىك ۋني­ۆەرسي­تەتىنىڭ كىتاپحاناسىندا بولدى, سوندا ورنالاسقان وبلىستىق «رۋحاني جاڭعىرۋ» جوبالىق كەڭسە­سىنىڭ جۇ­مىسىمەن دە تانىسىپ شىقتى.

وڭىردە بيىل «تۋعان جەر» ارنايى جوباسى اياسىندا مەتسەناتتار تاراپىنان 2 ملرد تەڭگەدەن اسا قارجىعا 75 نىسان حالىق يگىلىگىنە بەرىلگەن. سونىمەن قاتار «تۇركىلەر ءتورى تۇركىستان» ات­تى حالىقارالىق ونلاين-كونفەرەن­تسيا, «رۋحاني جاڭعىرۋ: تۇركىستان دارىستەرى» اتتى وبلىستىق دەڭگەيدە كەز­دەسۋلەر ۇيىمداستىرىلعان. جال­پى, جىل باسىنان بەرى «رۋحاني جاڭ­عىرۋ» باعدارلاماسى اياسىندا وبلىستا 821 ءىس-شارا ءوتىپ, 100 مىڭعا جۋىق ادام قامتىلعان. ءىس-شارالاردىڭ باسىم بولىگى ونلاين فورماتىندا, چەللەندج, بايقاۋ, كەزدەسۋلەر تۇرىندە ۇيىمداستىرىلۋدا. جىل بويعى ات­قا­رىلعان جۇمىستار تۋرالى ۆيتسە-مينيسترگە وبلىستىق «رۋحاني جاڭ­عىرۋ» جوبالىق كەڭسەسىنىڭ باسشىسى ايدار سەيدازىم جان-جاقتى بايان­داپ بەردى. ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنداعى نەگىزگى باعىتتاردىڭ ءبىرى – «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» ارنايى جوباسى. اتالعان باعىت اياسىندا وبلىستا بيىل 46 ءىس-شارا ۇيىمداستىرىلىپ, وعان 6 مىڭعا جۋىق ادام قاتىسقان. وڭىردەگى بارلىق ءبىلىم بەرۋ مەكەمەلەرىندە جوبا تۋرالى جان-جاقتى ءتۇسىندىرىلىپ, سىنىپ, تاربيە جانە ءتۇرلى اشىق ساباقتار وتكىزىلۋدە. بارلىق كىتاپحانالار ار­نايى شىعارىلعان كىتاپتارمەن قام­تىلۋدا. بولات اناپيا ۇلى اتقا­رىلعان جۇمىستارعا وڭ باعاسىن بەرىپ, كەڭسە قىزمەتكەرلەرىمەن ءوزارا پىكىر الماس­تى. باعدارلامانىڭ باسىم باعىتتارى بويىنشا جۇمىستى ودان ءارى جانداندىرۋ جونىندە جاڭا باستامالاردى تانىستىردى. سونداي-اق ۆيتسە-مينيستر بىرقاتار ۇكىمەتتىك ەمەس ۇيىم باسشىلارىمەن كەزدەسىپ, الدا اتقارىلاتىن جوبا-جوسپارلار جونىندە پىكىر الماس­تى. كەزدەسۋ بارىسىندا ۇكىمەتتىك ەمەس ۇيىمداردىڭ جۇمىسىن جانداندىرۋ, جوبالاردى قارجىلاندىرۋ, جۇيەلەۋ باعىتىندا قولعا الىنعالى وتىرعان باستامالار جونىندە باياندالدى.

وڭتۇستىك وڭىرگە ساپارىندا ۆيتسە-مينيستر الدىمەن شىمكەنت قا­لاسىندا «رۋحاني جاڭعىرۋ» وڭىرلىك جوبالىق كەڭسەسىنىڭ قىزمەتكەرلەرىمەن كەزدەسۋ وتكىزگەن بولاتىن. كەزدەسۋ بارىسىندا ۆيتسە-مينيستر باعدارلامانى ۇلتتىق جاڭعىرۋ كەزەڭىنە كوشىرۋ بويىنشا جول كارتاسىن ازىرلەۋدەگى جوسپارلاردى ايتىپ ءوتتى. جول كار­تاسى اياسىندا مەملەكەتتىك ءتىل مارتە­بەسىن ارتتىرۋ, جوعارى ۇلتتىق جانە جال­پىادامزاتتىق قۇندىلىقتار نە­گىزىندە رۋحاني-ادامگەرشىلىك جانە پاتريوتتىق تاربيە بەرۋ, ەڭبەك ادامىن قالىپتاستىرۋ, اۋىلدى جانداندىرۋ سىندى كەشەندى ءىس-شارالار قامتىلاتىن بولادى. سونداي-اق ءۇشىن­شى مەگاپوليستە «ساق» كينوستۋديا­سى قىزمەتىمەن تانىسقان بولات تلەپوۆ ساپالى انيماتسيالىق فيلمدەر شىعارۋ بويىنشا اتقارىپ جات­قان جۇمىستار جانە وسكەلەڭ ۇرپاقتىڭ دامۋىنا قوسقان باعا جەتپەس ۇلەسى ءۇشىن العىسىن ءبىلدىردى. ايتا كەتەلىك, «ساق» كينوستۋدياسى بيىل «رۋحاني جاڭعىرۋ» باعدارلاماسى اياسىندا شىمكەنت قالاسى اكىمدىگىنىڭ قول­داۋىمەن, «Qazaqstan» ۇلتتىق تەلە­ارناسىنىڭ تاپسىرىسى بويىن­شا, ۇلى دالانىڭ ۇلى تۇلعاسى, عۇلاما ءابۋ ناسىر ءال-ءفارابيدىڭ 1150 جىل­دىعىنا ارنالعان ء«ال-فارابي» كوپسەريالى تاريحي ءفيلمىن ءتۇسىرۋدى اياقتادى.

سونىمەن قاتار ۆيتسە-مينيستر شىم­كەنت قالاسىنىڭ دامۋ تاريحىن بەينەلەيتىن «تسيتادەل» اۋما­عىن ارالادى. ەسكى قالانى جاڭ­عىر­تۋ بويىنشا قازبا, رەستاۆراتسيا­لاۋ جۇمىستارىنىڭ ءبىرىنشى كەزەڭى اياق­تالعان, ەندى كەلەسى جىلى «تسيتادەل» اۋماعىندا اشىق اسپان اس­تىنداعى مۋزەي جانە امفي­تەاتردىڭ اشىلۋى جوسپارلانىپ وتىر. «تسي­تادەل» بو­لاشاقتا شىمكەنتتىڭ نەگىزگى تۋريستىك ورتالىعىنا اينال­ماق.

شىمكەنت – تۇركىستان