ماڭعىستاۋ وبلىسى اكىمدىگىنىڭ ءباسپاسوز حاتشىسى سامات سۇلەي بوزجىرانىڭ باسىندا ەشقانداي قۇرىلىس جۇمىستارى ءجۇرىپ جاتپاعانىن ءمالىم ەتتى, دەپ حابارلايدى Egemen.kz
"ەكىنشىدەن, جوبا ءالى قارالۋدا. تۋريستىك نىسان سالۋعا نيەتتى كومپانيا تاراپىنان ناقتى ءارى سوڭعى جوبا ءالى كەلگەن جوق. بۇعان دەيىن ءۇش نۇسقاسى ۇسىنىلعان بولاتىن. بىراق بۇل سوڭعى ۆاريانتى دەگەن ءسوز ەمەس. ياعني, تولىقتىرۋ, جەتىلدىرۋ پروتسەسىندە. ۇشىنشىدەن, الدىن الا ەل-جۇرتقا ەسكەرتىلمەي, قوعام تالقىسىنا نەگە ۇسىنىلماعان دەگەن تۇرعىندار ءۋاج ايتۋدا. جوعارىدا اتاپ ءوتتىم. ءالى كۇنگە دەيىن اكىمدىككە نەمەسە ءتيىستى جاۋاپتى مەملەكەتتىك ورگاندارعا جوبانىڭ سوڭعى نۇسقاسى بەرىلگەن جوق. قولعا قۇجات تيگەن كەزدە, ەكولوگ, تۋريزم سالاسىنىڭ ساراپشىلارى, جۋرناليستەر جانە قوعام بەلسەندىلەرىنىڭ ويىن ەسكەرە وتىرىپ اشىق فورماتتا قوعامدىق تىڭداۋ ۇيىمداستىرىلادى. تورتىنشىدەن, بۋتيك-وتەل بوي كوتەرەتىن بولسا, بوزجىرا شاتقالىنان كەمىندە 1,1-5 شاقىرىم قاشىقتىقتا سالىنۋى ءتيىس. بوزجىرا ەشقانداي قورشالمايدى, ءدال قازىرگى كەيىپى سول كۇيىندە ساقتالادى", دەدى سامات سۇلەي.
ول وتەلدىڭ اۋماعى 80 گا دەگەن قاتە اقپارات ەكەنىن جەتكىزدى. بۇل جەردە شامامەن شاعىن عانا 5-6 گا شاماسىندا بولۋى مۇمكىن.
"التىنشى, بىرنەشە قاباتتان تۇراتىن, بيىك ەمەس. ءبىر قاباتتى بۋتيك وتەل بولماق. ياعني, ويىن-ساۋىق ورتالىعى ەمەس, الىس جولدار شارشاپ كەلگەن تۋريستەرگە قولايلى, دەمالۋعا ىڭعايلى, اس ءىشىپ اياق سۋىتاتىن ورتالىق رەتىندە قاراستىرىلىپ وتىر. قوعام تاراپىنان تاعى ءبىر ءۋاج بار. قورشاعان ورتاعا, اينالىسىنداعى جان-جانۋارعا زيان بولادى دەگەن. كەرىسىنشە, ول جەردە سوڭعى تەحنولوگيالاردى ەسكەرە وتىرىپ, گاز, سۋ, توق كوزدەرى تارتىلمايدى. بارلىعى كۇن جانە جەل ەنەرگيا كوزدەرىنەن الىناتىن بولادى. جاۋاپتى مەكەمە جول سالا وتىرىپ, رەتسىز كولىك ءجۇرىسىن رەتتەپ, قوقىس ماسەلەسىن قولعا الادى. تاعى ءبىر ەسكەرە كەتسەك, اتالعان جوبا ءالى تالقىلانۋ ۇستىندە, ناقتى جوبا جاساقتالعان بويدا قوعام نازارىنا ۇسىنىلاتىن بولادى", دەپ تولىقتىردى ول.
ەستەرىڭىزگە سالا كەتەيىك, بوزجىرادا قوناقۇي سالۋ داۋىنا قاتىستى ەكولوگيا مينيسترلىگى مەن مادەنيەت ۆيتسە-ءمينيسترى پىكىر بىلدىرگەن ەدى.