قازاقستاندا Volkswagen اۆتوبرەندىنىڭ تۋى جاڭا بيىككە كوتەرىلدى

اۆتوورتالىقتىڭ اشىلۋى 2021 جىلدىڭ شىلدەسىنە بەلگىلەنگەن, ول قازاقستاندىق اۆتواۋەسقويلار اراسىندا باي تاريحى بار, نەمىس ساپاسىنا دەگەن سەنىمدىلىك مەن قولايلى باعانىڭ ۇيلەسىمىن بەينەلەيتىن برەندتى تانىمال ەتۋ جولىندا ماڭىزدى ءرول اتقارادى. دەسەك تە, بۇگىننىڭ وزىندە قازاقستانداعى تۇتىنۋشىلارعا Volkswagen رەسمي ديلەرى ۇسىناتىن قىزمەتتەر مەن سەرۆيستەردىڭ تولىق سپەكترى قول جەتىمدى, ولاردىڭ ىشىندە جەڭىل جانە كوممەرتسيالىق مودەلدەردىڭ كەڭەيتىلگەن جەلىسىنەن اۆتوموبيلدەردى تاڭداۋ, ترەيد-ين جانە اۆتونەسيەلەۋ بار.

VW كورپوراتيۆتىك ستاندارتتارىنا قاتاڭ سايكەستىكتە سالىنعان جاڭا ديلەرلىك ورتالىقتىڭ جالپى اۋدانى 3537 ش.م. قۇرايدى, ونىڭ ىشىندە شوۋ-رۋمنىڭ اۋدانى – 900 ش.م. اۋدانى 996 ش.م. الاڭدا Volkswagen Group شتاب-پاتەرىمەن ماقۇلدانعان VW اۆتوموبيلدەرىنىڭ سوڭعى دياگنوستيكالىق سكانەرىمەن, مامانداندىرىلعان قۇرال-جابدىقتارمەن جابدىقتالعان 15 بەكەتكە ەسەپتەلگەن سەرۆيستىك تسەح ورنالاسادى. جوباعا اۆتورلىق Zebra Project ديزاين-ستۋدياسىنا تيەسىلى. بۇل كومپانيا VW اۆتورلاندىرىلعان جەتكىزۋشىسى جانە تمد ەلدەرىندەگى جاڭا ديلەرلىك ورتالىقتاردىڭ بارلىق جوبالارىنىڭ ازىرلەۋشىسى بولىپ تابىلادى. تيىسىنشە, بولاشاق الماتىداعى ورتالىقتىڭ بەينەسىندە برەندتىڭ زاماناۋي اۆتوسالوندارىنىڭ «تانىس سيپاتتارى» بايقالادى – جاڭا لوگوتيپ, جاڭا جيھاز, شوۋ-رۋمداعى جيھاز بەن جابدىقتى ورنالاستىرۋدىڭ جاڭا تۇجىرىمداماسى, Volkswagen فيرمالىق اكسەسسۋارلارىن ساتۋعا ارنايى بولىنگەن ورىندار. الماتىداعى ديلەرلىك ورتالىقتىڭ قۇرىلىسىن Orbis Kazakhstan كت قۇرامىنا كىرەتىن Orbis Construction كومپانياسى جۇرگىزەدى. 900 ش.م. شوۋ-رۋمعا ءبىر ۋاقىتتا 13 جەڭىل جانە ءۇش كوممەرتسيالىق اۆتوكولىك سىيادى.

سەرۆيس ورتالىعىنىڭ كليەنتتەرى جوندەۋگە نەمەسە تەحنيكالىق قىزمەت كورسەتۋگە الدىن-الا جازىلىپ قانا قويماي, سونىمەن قاتار سەرۆيسكە ينتەراكتيۆتى قابىلداۋ قىزمەتىن, جەكە مەنەدجەردىڭ كومەگىن الا الادى. كولىك يەسى ونلاين رەجيمىندە جۇمىس ستاتۋسىن جانە اۆتوموبيل جاعدايى تۋرالى اقپاراتتى باقىلاۋ مۇمكىندىگىنە يە بولادى. اۆتوسالوننىڭ «وزىندىك ەرەكشەلىگى» Orbis كت اۆتوورتالىقتارىنداعى العاشقى اۆتوماتتى جۋ ورنى بولماق, ال ونىڭ قىزمەتتەرىن كەز كەلگەن كليەنت ونىڭ ءاۆتوموبيلى قانشالىقتى كۇردەلى جوندەۋدى تالاپ ەتكەنىنە قاراماستان الا الادى.

Volkswagen-ءنىڭ ءۇش ديلەرلىك ورتالىعى 2019 جىلدىڭ قىركۇيەگىندە Orbis Auto پورتفەلىنە كىرىپ, VW اۆتوورتالىقتارىنىڭ سانىن تورتكە دەيىن ارتتىردى. وسى ۋاقىت ىشىندە ەلىمىزدىڭ اۆتوموبيل ريتەيلى كوشباسشىلارى ءبىرىنىڭ كاسىبي كومانداسى برەندتىڭ قازاقستاندىق نارىقتاعى پوزيتسياسىن ايتارلىقتاي كۇشەيتە الدى. قازىرگى ۋاقىتتا جەڭىل اۆتوموبيلدەر سەگمەنتىندە Orbis Auto ۇلەسىنە Volkswagen برەندى بويىنشا ساتۋدىڭ 72%-ى, كوممەرتسيالىق تەحنيكا سەگمەنتىندە – 63%-ى تيەسىلى. 2020 جىلدىڭ قاڭتار-قىركۇيەك ايلارىندا VW جەڭىل اۆتوكولىكتەرىنىڭ ساتىلىمى 1198 بىرلىكتى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 184 اۆتوموبيلگە ارتىق. وسى كەزەڭ ارالىعىندا كوممەرتسيالىق تەحنيكانى ساتۋ 51 بىرلىكتى قۇرادى, بۇل وتكەن جىلمەن سالىستىرعاندا 38%-عا كوپ.

Orbis Auto باس ديرەكتورى دينارا ىسقاقوۆانىڭ ايتۋىنشا, كومپانيا Volkswagen-ءنىڭ قازاقستانداعى پوزيتسياسىن نىعايتۋ ءۇشىن الداعى ۋاقىتتا دا قولدان كەلگەننىڭ ءبارىن جاساۋعا نيەتتى. ء«بىز برەندتىڭ كۇشىنە سەنەمىز جانە Volkswagen اۆتوموبيلدەرىنىڭ سەنىمدىلىك پەن جوعارى ساپانىڭ بەلگىسى رەتىندە ونداعان جىلدار ىشىندە قالىپتاسقان بەدەلى قازاقستاندىق نارىقتا ىلگەرىلەۋدە وڭ قىزمەت اتقاراتىنىنا سەنىمدىمىز. ءبىز ءوز تاراپىمىزدان ديلەرلىك جەلىنى دامىتۋعا ينۆەستيتسيا سالۋعا, برەندتىڭ اۆتوورتالىقتارىنداعى قىزمەتتەردىڭ ساپاسىن ارتتىرۋعا, كليەنتتىك سەرۆيستى جاقسارتۋ ءۇشىن ەڭبەك ەتۋگە دايىنبىز», - دەدى دينارا ىسقاقوۆا.

كومپانيا Volkswagen ديلەرلىك ورتالىقتارىنىڭ بارلىق قىزمەتتەرىنىڭ جۇمىسىن ۇنەمى جەتىلدىرىپ وتىرادى جانە اتقارىلعان جۇمىستىڭ ناتيجەلەرى الماتىداعى ورتالىقتىڭ بيزنەس-مودەلىنە ەنگىزىلەتىن بولادى. وسىلايشا, بولىمدەردىڭ قۇرىلىمى برەندتىڭ كورپوراتيۆتىك ساياساتىنا سايكەس قۇرىلعان, قىزمەتكەرلەردى وقىتۋ ۇنەمى جۇرگىزىلەدى, كومپانيا ساتۋ, سەرۆيس جانە ماركەتينگ ماسەلەلەرى بويىنشا Volkswagen وڭىرلىك مەنەدجەرلەرىمەن تىعىز ىنتىماقتاسادى. Volkswagen ديلەرلىك ورتالىعىندا قىزمەت كورسەتۋدىڭ بارلىق كەزەڭدەرىندە ساپانى باقىلاۋ مەن سەرۆيستى باعالاۋدى ەنگىزۋ جوسپارلانۋدا. قورىتىندى باعا كوبىنەسە كليەنتتىڭ قىزمەت كورسەتۋ ساپاسىنا قاناعاتتاناتىندىعىنا جانە قىزمەتتەردى دوستارىنا ۇسىناتىندىعىنا بايلانىستى بولماق.

جاڭا ديلەرلىك ورتالىقتىڭ بارلىق قىزمەتكەرلەرى كاسىپتىك وقۋدى اياقتاعاننان كەيىن سەرتيفيكاتتارعا يە بولادى. بۇگىنگى تاڭدا ساتۋ ءبولىمى قىزمەتكەرلەرىنىڭ 62% سەرتيفيكاتتالعان, جىل سوڭىنا دەيىن بۇل كورسەتكىش 80%-عا دەيىن وسەدى. ساتۋدان كەيىنگى قىزمەت كورسەتۋ ءبولىمىنىڭ قىزمەتكەرلەرى 2021 جىلدىڭ مامىر-ماۋسىمىنا دەيىن وقۋىن اياقتاپ, سەرتيفيكاتتار الادى.

Volkswagen-ءدىڭ قازاقستان نارىعىندا قاتىسۋىن كۇشەيتۋ الماتىداعى ديلەرلىك ورتالىقتىڭ قۇرىلىسىمەن شەكتەلمەيدى. Orbis Auto ساتۋ جەلىسىن كەڭەيتۋگە $10 ملن جەكە قاراجاتىن سالدى: $4 ملن الماتى مەن نۇر-سۇلتاندا ديلەرلىك ورتالىقتاردىڭ قۇرىلىسىنا ينۆەستيتسيالاندى, تاعى $1 ملن برەندتىڭ ستاندارتتارىنا سايكەس كومپانيانىڭ ورال مەن اتىراۋداعى وڭىرلىك ديلەرلىك ورتالىقتارىن تولىق قايتا قۇرۋعا جۇمسالىندى. قوسىمشا ەكى ساتۋ نۇكتەسى, الماتى مەن نۇر-سۇلتاندا pop-up store فورماتىنداعى ورتالىقتار سالىندى.

2021 جىلعا قاراي, Volkswagen ديلەرلەرى اۆتوموبيل برەندىنىڭ سوڭعى بەس جىلداعى ەڭ كەڭ مودەلدىك قاتارىن, سونىڭ ىشىندە سوڭعى جاڭالىقتاردى ۇسىنادى. ءوز تاڭداۋىن «حالىق اۆتوكولىگىنە» جاساعان قازاقستاندىق اۆتواۋەسقويلار بۇرىنعى جىلدارى شىعارىلعان مودەلدەرمەن قاتار, ەندى New Polo, New Jetta, New Passat ساتىپ الا الادى. كوممەرتسيالىق تەحنيكا سەگمەنتىندە تولىق جاڭارتىلعان ت6.1 جەلىسى بار, سونىمەن قاتار Crafter مودەلى قازاقستاندا رەسمي تۇردە قول جەتىمدى. اۆتوكولىك ساتىپ الۋدى جوسپارلاعاندار ءۇشىن ديلەر ديستريبيۋتورمەن جانە ەكىنشى دەڭگەيدەگى بانكتەرمەن بىرلەسىپ, بىرەگەي قارجى ونىمدەرىن ازىرلەيدى جانە ەنگىزەدى. Volkswagen اۆتوسالوندارىندا العاش رەت جاڭا اۆتوكولىككە ايىرباستاۋ كەزىندە پايدانى قولدايتىن Trade-In باعدارلاماسى ۇسىنىلدى.

2020 جىلدىڭ سوڭىنا دەيىن, Orbis Auto Volkswagen برەندىمەن جەڭىل اۆتوموبيلدەر سەگمەنتىندەگى ءوز ۇلەسىن 75%-عا دەيىن كوتەرىپ, 1600 اۆتوكولىكتى ساتۋ ناتيجەسىمەن, ال كوممەرتسيالىق تەحنيكا سەگمەنتىندە – 70%-عا دەيىن ۇلعايتىپ, 80 ءاۆتوموبيلدى ساتۋ كورسەتكىشىمەن جىلدى اياقتاۋدى جوسپارلاپ وتىر. 2021 جىلدىڭ شىلدەسىنە الماتى مەن نۇر-سۇلتاندا ديلەرلىك ورتالىقتاردىڭ قۇرىلىسىن اياقتاۋ جانە اشۋ بەلگىلەنگەن. قازاقستان نارىعى VW-ءنىڭ جاڭالىقتارىنسىز قالمايدى: وسى جىلدىڭ سوڭىندا – كەلەسى جىلدىڭ باسىندا ديلەرلىك ورتالىقتارعا New Tiguan, ال 2021 جىلدىڭ ەكىنشى جارتىسىندا – New-Terramont تۇسەدى. كوممەرتسيالىق تەحنيكا جەلىسى جاڭارعان Transporter, Caravelle جانە Multivan تولىقتىرىلادى.