تۇركىستان وبلىسى سارىاعاش اۋدانىنا بيىلدىڭ 9 ايىندا 70 مىڭعا جۋىق تۋريست كەلگەن. ولارعا 47 ەمدىك - ساۋىقتىرۋ شيپاجايى, بالالار شيپاجايى, بالالار ساۋىقتىرۋ لاگەرى, گولف كلۋبى جانە 21 قوناقۇي قىزمەت كورسەتتى. سونداي-اق بيىل تۋريزم سالاسىن دامىتۋ ماقساتىندا جالپى قۇنى 450 ملن تەڭگە بولاتىن 4 نىسان ىسكە قوسىلىپ, 80 ادام جۇمىسپەن قامتىلدى, دەپ حابارلايدى Egemen.kz.
وڭىرلىك كوممۋنيكاتسيالار قىزمەتىندە وتكەن بريفينگتە سارىاعاش اۋدانىنىڭ اكىمى مۇحيت وتارشيەۆ اۋداندا جالپى 4,3 ملرد تەڭگەگە 22 نىساننىڭ قۇرىلىستارى جۇرگىزىلىپ جاتقانىن اتاپ ءوتتى.
"ونىڭ ىشىندە, اۋىزسۋمەن قامتۋ بويىنشا 2 نىسان, تۇرعىن ءۇي قۇرىلىسى بويىنشا 2 نىسان پايدالانۋعا بەرىلدى. جىل سوڭىنا دەيىن 8 نىساننىڭ قۇرىلىس جۇمىستارى اياقتالىپ, قالعان 10 نىسان كەلەسى جىلعا وتپەلى بولادى. حالىقتى تابيعي گازبەن قامتۋ ۇلەسى جونىندە ايتا كەتسەم, وتكەن جىلى 50,7 پايىز بولسا, بيىل بۇل كورسەتكىشتى 69 پايىزعا جەتكىزۋدى جوسپارلاپ وتىرمىز. ال, اۋىزسۋمەن قامتۋ بۇگىنگى تاڭعا 50,7 پايىز بولسا, جىل سوڭىنا دەيىن 56,3 پايىزعا جەتكىزەمىز دەپ وتىرمىز. ساپالى ەلەكتر ەنەرگياسىمەن اۋدان حالقىنىڭ 98,5 پايىزى قامتىلعان", دەدى اۋدان اكىمى.
جالپى اۋداندا بيىل رەسپۋبليكالىق جانە جەرگىلىكتى بيۋدجەت ەسەبىنەن 55,2 شاقىرىم بولاتىن 34 كوشەنى ورتاشا جوندەۋ جۇمىستارىنا جانە جاڭا كوپىر قۇرىلىسىنا 1 591,7 ملن تەڭگە قارجى قارالعان. بۇل جۇمىستاردى قاراشا ايىندا تولىعىمەن اياقتاۋ جوسپارلانۋدا.