وسى جانە الەۋمەتتىك ينفراقۇرىلىمنىڭ باسقا جوبالارى تۋرالى وڭىرلىك كوممۋنيكاتسيالار قىزمەتىنىڭ الاڭىنداعى ونلاين-بريفينگ بارىسىندا الماتى قالاسىنىڭ بوستاندىق اۋدانى اكىمىنىڭ ورىنباسارى جانار سادۋاقاسوۆا ايتتى.
مۇگەدەكتىگى بار تۇلعالارعا الەۋمەتتىك قامتاماسىز ەتۋ ماسەلەلەرى بويىنشا اقپاراتتاندىرۋ جانە كەڭەس بەرۋ, سونىمەن بىرگە ءتيىمدى جۇمىسپەن سالاسىندا الەۋەتتى ارتتىرۋ ماقساتىندا جاندوسوۆ كوشەسى, 10 مەكەنجايى بويىنشا «Ten Qadam» الەۋمەتتىك قولداۋ ورتالىعى اشىلدى. ورتالىقتا 28 جۇمىس ورنى اشىلدى.
100 بالاعا ارنالعان جەكەمەنشىك بالالار باقشاسى اشىلدى, ونىڭ ىشىندە 60 ورىن «بالاپان» باعدارلاماسىنىڭ اياسىندا مەملەكەتتىك تاپسىرىس بويىنشا.
الماتى اكىمى باقىتجان ساعىنتاەۆتىڭ تاپسىرماسىمەن اتاكەنت اۋماعىندا «اۋەن الەمى» مەكتەبى اشىلدى, وندا كوپبالالى جانە از قامتىلعان وتباسىلاردىڭ بالالارى دومبىرا, شاڭقوبىز جانە گيتارادا ويناۋدى تەگىن ۇيرەنەتىن بولادى. مەكتەپتە جىلىنا 400 بالانى تاربيەلەۋ جوسپارلانۋدا.
ودان بولەك, اتاكەنت اۋماعىندا سىرعاناۋ ارقىلى تريۋك جاساۋعا نەگىزدەلگەن سكەيتبورد, بيەميكس, ساموكات جانە اگرەسسيالىق روليكتەر سياقتى ەكسترەمالدى جازعى سپورت تۇرلەرىنە ارنالعان اشىق سپورتتىق-جاتتىعۋ الاڭى - Gorilla Atakent Park سالىندى.
«بۇعان دەيىن مۇستافا وزتۇرىك كوشەسى بويىندا قاراۋسىز قالعان ۋچاسكە بولعان, ول ادەمى ساياباق ەتىپ قايتا جاسالىپ, سپورتتىق ترەناجەرلەر, بالالار الاڭى جانە دەمالىس ايماعى پايدا بولدى, اۋماققا كوگالداندىرۋ جۇرگىزىلىپ, بالالار مەن 12 جاسقا دەيىنگى جاسوسپىرىمدەر ءۇشىن جاڭا تەننيس كورتى سالىندى. تۇرعىن ءۇيدىڭ قاسبەتىندە مۇستافا وزتۇرىكتىڭ بەينەسىمەن مۋرال پايدا بولدى», - دەدى ج.سادۋاقاسوۆا.
سونداي-اق, اۋداندا «شىڭعا ورلەۋ» الەۋمەتتىك كلۋبىنىڭ, «قول ونەر ءۇيى» قول ونەر شەبەرحاناسى جانە «الما-اتا» سوو كىتاپحانانىڭ اشىلۋى جوسپارلانۋدا.