نۇر-سۇلتان قالاسىنىڭ IX ازاماتتىق فورۋمى اياسىندا مەملەكەتتىك مەكەمەلەر قىزمەتكەرلەرى مەن جۇمىسى جەرگىلىكتى بيۋدجەتتى قالىپتاستىرۋمەن جانە اتقارۋمەن تىكەلەي بايلانىستى ازاماتتىق بەلسەندىلەر "حالىقتىق قاتىسۋ بيۋدجەتى" جوباسىنىڭ باعىتتارىن كەڭەيتۋدى تالقىلادى, دەپ حابارلايدى Egemen.kz ەلوردا اكىمدىگىنە سىلتەمە جاساپ.
"حالىقتىق قاتىسۋ بيۋدجەتى» بيۋدجەت قاراجاتىن جۇمساۋ بويىنشا باسىمدىقتاردى قالىپتاستىرۋعا جۇرتشىلىقتى تارتۋدىڭ پەرسپەكتيۆالىق تەتىگى بولىپ تابىلادى. بۇل مەحانيزم العاش رەت سارىارقا اۋدانىندا ەنگىزىلدى. بيىل وعان ەلورداداعى باسقا دا اۋداندار قوسىلدى. ءبىز بارلىق قالا تۇرعىندارىنا وسى تەتىكتىڭ مۇمكىندىكتەرى بويىنشا اقپاراتقا تەڭ قولجەتىمدىلىك قامتاماسىز ەتىلۋى ءتيىس دەپ ەسەپتەيمىز", دەيدى "سوتسيۋم-زەرتتەۋ" ستراتەگيالىق ورتالىعى" قب ءتورايىمى التىناي نۇركەەۆا.
ونىڭ ايتۋىنشا, ءبىرىنشى كەزەكتە, بارلىق اۋدان اكىمدىكتەرىنە رەسمي سايتتاردا ارنايى بولىمدەر قۇرۋ. قازىرگى ۋاقىتتا 4 اۋداننىڭ ىشىندە بۇل ايدار تەك سارىارقا اۋدانىنىڭ اكىمدىگىندە عانا بارىن جەتكىزدى.
"بۇل مەحانيزمنىڭ قالاي جۇمىس ىستەيتىنى تۋرالى اقپارات تۇسىنىكتى جانە قولجەتىمدى تىلدە كورسەتىلۋى ءتيىس. كەلەسى كەزەڭ حالىقتىق قاتىسۋ جوباسى بويىنشا تاقىرىپتار ءتىزىمىن كەڭەيتۋ بولۋى ءتيىس, ەلوردا تۇرعىندارىنىڭ باسقا تاقىرىپتار بويىنشا جانە قارجىلاندىرۋدىڭ ۇلكەن كولەمىندە جوبالار ۇسىنۋعا بارلىق مۇمكىندىكتەرى بار", التىناي نۇركەەۆا.
سونىمەن بىرگە ديالوگ الاڭىنا قاتىسۋشىلار ءوز ۇسىنىستارىن ءبىلدىرىپ, جوباعا قولداۋ ءبىلدىردى.
وسىلايشا, 9-12 قاراشا ارالىعىندا نۇر-سۇلتان قالاسىنىڭ ازاماتتىق باستامالار ورتالىعى بازاسىندا IX ازاماتتىق فورۋم اياسىندا وتكىزىلگەن تاقىرىپتىق سەسسيالاردىڭ جۇمىسى تولىق اياقتالدى.
جۇمىس توپتارىن وتكىزۋ ۇەۇ مەن مەملەكەتتىك ورگاندار اراسىندا جيناقتالعان تكش, مەملەكەتتىك تاپسىرىس, قوعامدىق مونيتورينگ جانە ت.ب. سالالارداعى ماسەلەلەر مەن ۇسىنىستاردى تالقىلاۋعا, سونداي-اق بيلىك پەن ازاماتتىق قوعامنىڭ ءوزارا ءىس-قيمىلىن دامىتۋ ءۇشىن ودان ءارى ىنتىماقتاستىق باعىتتارىن ايقىنداۋعا مۇمكىندىك بەردى.