ءبىلىم جانە عىلىم مينيسترلىگىنىڭ جاڭا ۆيتسە-ءمينيسترى بولىپ ەسەنعازى يمانعاليەۆ تاعايىندالدى. بۇل تۋرالى ءبىلىم جانە عىلىم مينيسترلىگىنىڭ ءباسپاسوز قىزمەتى حابارلادى.
Total.kz پورتالىنىڭ مالىمەتىنشە, وسىعان قاتىستى قاۋلىعا 25 قاراشا كۇنى قول قويىلعان.
ءوزىنىڭ جاڭا ورىنباسارىن ۆەدومستۆو ۇجىمىنا تانىستىرا كەلىپ, مينيستر اسلان ءسارىنجىپوۆ ونىڭ ءبىلىم بەرۋ جۇيەسى مەن ونىڭ ايماقتاعى ەرەكشەلىكتەرى جونىندە تاجىريبەسى بار ەكەنىن ايتتى.
«وسى سالادا ەڭبەك ەتكەن جىلدارى ىشىندە يمانعاليەۆ ءوزىن ساراپشىلار اراسىندا ناعىز كاسىبي مامان رەتىندە تانىتتى. ءبىز وعان مەكتەپكە دەيىنگى, ورتا ءبىلىم, تەحنيكالىق جانە كاسىبي ءبىلىم سالالارىندا, سونداي-اق بالا قۇقىقتارىن قورعاۋ مەن ءوزىن-ءوزى تانۋ ءپانىن دامىتۋ جونىندە ماڭىزدى تاپسىرمالار بەرىپ وتىردىق . ونىڭ ۆيتسە-مينيستر بولىپ تاعايىندالعانعا دەيىنگى ءومىربايانى ءبىلىم بەرۋ جۇيەسىمەن تىعىز بايلانىستا بولىپ كەلدى. ول مۇعالىمدىك, تەحنيكۋم ديرەكتورى لاۋازىمىنان باستاپ, وبلىستىق دەڭگەيدەگى باسشىعا دەيىنگى كاسىبي جودان ءجۇرىپ ءوتتى», - دەدى مينيستر.