قالا تۇرعىندارىنىڭ جوبالىق ۇسىنىستارعا داۋىس بەرۋ كەزەڭى قالاي وتەتىنى تۋرالى وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين-بريفينگ بارىسىندا الماتى قالاسىنىڭ ستراتەگيا جانە بيۋدجەت باسقارماسى باسشىسىنىڭ ورىنباسارى جانار جازىلتاەۆا ايتتى.
بيىلعى جىلدىڭ 20 قازانىندا «بيۋدجەتكە قاتىسۋ» جوباسى بويىنشا budget.open-almaty.kz. سايتىندا ءوتىنىش قابىلداۋ اياقتالدى.
«بيىلعى جىلى بارلىعى قالا تۇرعىندارىنان 23,7 ملرد.تەڭگە بولاتىن جالپى سوماعا 796 جوبا تۇسكەن. قورىتىندىسىندا 10,7 ملرد.تەڭگە سوماعا قالا تۇرعىندارىنىڭ 448 باستاماسى داۋىس بەرۋگە جىبەرىلدى. جوبالاردىڭ بىرەۋىن اۆتورلاردىڭ بىرەۋى قايتارىپ الدى, سايتتا بارلىعى 795 جوبا بار. وتكەن جىلى بارلىعى 333 جوبالىق ۇسىنىس تۇسكەن. ءبىز ەكى ەسەگە دەيىن ايتارلىقتاي وسكەنىن كورىپ وتىرمىز», - دەپ اتاپ ءوتتى ج.جازىلتاەۆا.
ج.جازىلتاەۆانىڭ ايتۋىنشا, وتىنىشتەردىڭ كوبى اباتتاندىرۋعا باعىتتالعان: قۇرىلىس جانە تروتۋارلاردى, پاندۋستاردى, ارىقتاردى جوندەۋ, جالپىعا ورتاق ورىنداردا بالالار جانە ويىن, سپورت الاڭدارىن ورناتىپ, جوندەپ, جارىقتاندىرۋ. سونىمەن بىرگە, جاياۋ جۇرگىنشىلەر ايماعىن جوندەۋ, كۇركەلەردى جوندەۋ جانە ورىندىقتار مەن قوقىس سالعىشتاردى ورناتۋ بويىنشا ۇسىنىستار ەنگىزىلدى.
رۇقسات ەتىلمەگەن 281 جوباعا قاتىستى ايتار بولساق, كەرى قايتارىلۋىنىڭ نەگىزگى سەبەپتەرى كەلەسىدەي:
جوبالىق ۇسىنىستاردىڭ ساناتتارىنا سايكەس كەلمەۋى;
جالپى قولدانىستاعى نىسان بولىپ تابىلمايدى;
جوبالىق ۇسىنىستاردى جۇزەگە اسىرۋ اۋدان اكىمى اپپاراتتارىنىڭ قۇزىرەتتىلىگىنەن تىس بولعاندا;
جۇمىستار 2021-2022 جىلدارعا جوسپارلانعان;
ۋچاسكە جەكە مەنشىك, تۇرعىن ءۇي كەشەنىنىڭ, باۋ-باقشا سەرىكتەستىگى اۋماعىندا ورنالاسقان;
جەكە كوممەرتسيالىق سيپاتتا جۇزەگە اسىرۋ قاراستىرىلعان.
«اياقتالماعان 60 جوبالىق ۇسىنىسقا قاتىستى ايتار بولساق, ولار اۆتورلارى ناقتىلاپ, قايتادان ءوز ۇسىنىستارىن ەنگىزۋى ءۇشىن تۇزەتۋگە جىبەرىلدى. سوعان قاراماستان, تۇرعىنداردان جوبالىق قۇجاتتاماسىن جاساپ, بولماسا, قانداي دا ءبىر ەسەپ جۇرگىزۋ تالاپ ەتىلمەيدى», - دەيدى الماتى قالاسىنىڭ ستراتەگيا جانە بيۋدجەت باسقارماسى باسشىسىنىڭ ورىنباسارى. ساراپشى كوميسسيا نەگىزىندەگى ءتيىستى ماماندار كومەك كورسەتەدى.
الماتى