ەلىمىزدە قانشا جۇمىسسىز تىركەلگەن؟

ستاتيستيكا كوميتەتىنىڭ مالىمەتىنشە, 2020 جىلعى III توقساندا رەسپۋبليكا ەكونوميكاسىندا 8,7 ملن ادام جۇمىسپەن قامتىلعان. جۇمىسپەن قامتىلعان حالىقتىڭ اراسىندا 6,7 ملن ادام جالدامالى قىزمەت بويىنشا جۇمىسپەن قامتىلعان. جۇمىسسىزدار سانى 454,8 مىڭ ادامدى, جۇمىسسىزدىق دەڭگەيى – 5% قۇرادى.

2020 جىلدىڭ III توقسانىندا قازاقستاننىڭ ەڭبەك نارىعىنا COVID-19 پاندەمياسى اسەرى ساقتالۋدا. 2020 جىلدىڭ ەكىنشى توقسانىمەن سالىستىرعاندا قىزمەتتىڭ توقتاتىلۋىنا بايلانىستى ۋاقىتشا جۇمىسسىزدار سانى 52% تومەندەدى, بىراق جوعارى بولا وتىرىپ, 131,7 مىڭ ادامدى قۇرادى. ونىڭ 25%-ساۋدا قىزمەتكەرلەرى, 21,4%-ءبىلىم, 10,3%-باسقا قىزمەتتەر كورسەتۋ (شاشتارازدار, سۇلۋلىق سالوندارى, ۇساق تۇرمىستىق قىزمەتتەر).

بۇل رەتتە, 2020 جىلدىڭ II توقسانىمەن سالىستىرعاندا نەگىزگى جۇمىس ورنىندا جۇمىس كولەمىنىڭ تومەندەۋىنە (تولىق ەمەس جۇمىس كۇنى) نەمەسە جۇمىس بەرۋشىنىڭ باستاماسى بويىنشا جۇمىسپەن قامتىلعاندار سانى 37% ءوسىپ, 380 مىڭ ادامدى قۇرادى. بۇل نەگىزىنەن پەرسونالدى قىسقارتىلعان جۇمىس كەستەسىنە اۋىستىرۋمەن بايلانىستى.

جۇمىسپەن قامتۋ ورگاندارىندا 2020 جىلعى قازان ايىنىڭ سوڭىنا 222,4 مىڭ ادام جۇمىسسىز رەتىندە رەسمي تىركەلگەن. تىركەلگەن جۇمىسسىزدار ۇلەسى جۇمىس كۇشىنىڭ سانىنىڭ 2,4%-ىن قۇرادى.