تۇركىستان وبلىسى بويىنشا قازىرگى تاڭدا ءبىر ادام كوروناۆيرۋسپەن ستاتسيونارلىق ەم قابىلداپ جاتىر, ال امبۋلاتوريالىق جاعدايدا ەم قابىلداۋشىلار – 18. قارىم-قاتىناستا بولعان 116 ادام مەديتسينالىق باقىلاۋدا. ازىرگە تۇركىستان وبلىسىنداعى ەپيدەميالىق احۋال تۇراقتى, بلوكبەكەتتەر قويىلمايدى, دەپ حابارلايدى Egemen.kz.
دەگەنمەن وڭىردە جەكە ازاماتتاردىڭ توي-مەرەكەلەردى اتاپ ءوتۋى تولاستار ەمەس. وسى ورايدا وڭىرلىك كوممۋنيكاتسيالار قىزمەتىندە وتكەن بريفينگتە وبلىستىڭ باس سانيتيتاريالىق دارىگەرى نۇربەك نىشانوۆ پاندەميا ۋاقىتىندا وبلىس تۇرعىندارىن جالپىعا ورتاق ءتارتىپتى ساقتاۋعا شاقىردى.
"جاڭادان قابىلدانعان قاۋلىعا سايكەس, 3 قاراشادان باستاپ وبلىس اۋماعىنداعى مال بازارلارى سانيتاريالىق-دەزينفەكتسيالىق رەجيمدى كۇشەيتىپ, 30%-دان اسىرماي تولتىرۋمەن, اپتانىڭ جۇمىس كۇندەرى جۇمىس ىستەۋىنە رۇقسات ەتىلدى. تۇركىستان وبلىسى بويىنشا 31 مال بازار بار. "Infokazakhstan" سايتىنا مال بازارلاردان اشىلۋعا 16 ءوتىنىش ءتۇستى, ونىڭ 7-ءۋى قارالىپ, تورتەۋىنە جۇمىس ىستەۋگە رۇقسات بەرىلدى (قازىعۇرت, ورداباسى, كەلەس, تولەبي), 3-ءۋى قايتارىلدى, 9 ءوتىنىش قارالۋدا", دەدى وبلىستىڭ باس سانيتيتاريالىق دارىگەرى
تۇركىستان وبلىسى