قازاقستانعا كەلگەن شەتەلدىكتەر اكىمشىلىك جاۋاپكەرشىلىككە تارتىلدى

"اقتوبە ستانساسىنداعى جەلىلىك پوليتسيا ءبولىمىنىڭ قىزمەتكەرلەرى "ورال-الماتى" باعىتىنداعى جولاۋشىلار پويىزىنان قوعامدىق ءتارتىپتى بۇزعان 42 جانە 36 جاستاعى ەكى ەر ادامدى پوەزد باستىعىنىڭ اكتىسىمەن ءتۇسىرىپ الدى", دەدى كولىكتەگى پوليتسيا دەپارتامەنتى باستىعىنىڭ ءبىرىنشى ورىنباسارى قاليجان قوبلاندين.

ونىڭ ايتۋىنشا, تەكسەرۋ كەزىندە كولىك پوليتسەيلەرى قۇقىق بۇزۋشىلاردىڭ ازەربايجان مەن وزبەكستان رەسپۋبليكالارىنىڭ ازاماتتارى ەكەندىكتەرىن انىقتادى.

"ەر ازاماتتار تۇنگى ۋاقىتتا ماساڭ كۇيدە بولىپ, وزدەرىن اگرەسسيۆتى ۇستاعان, ءتىپتى, بالاعات سوزدەر ايتىپ, قوعامدىق ورىنداردا ادامنىڭ قادىر-قاسيەتىن قورلايتىن سوزدەر ايتقان, وسىلايشا ازاماتتاردىڭ تىنىشتىعىنا كەدەرگى كەلتىردى", دەيدى ءوتىنىش بەرۋشى.

جوعارىدا اتالعان تۇلعالارعا قاتىستى قر اقبتك-ءنىڭ 434, 437, 440, 441-باپتارى بويىنشا, ياعني, ۇساق بۇزاقىلىق ءۇشىن, تىنىشتىقتى بۇزعانى ءۇشىن, الكوگولدىك ىشىمدىكتەردى ىشكەنى نەمەسە قوعامدىق ورىندارعا ماساڭ كۇيدە كەلگەنى جانە بەلگىلەنگەن ورىنداردا تەمەكى بۇيىمدارىن, ونىڭ ىشىندە قىزدىرىلاتىن تەمەكىسى بار بۇيىمداردى, قورقورعا ارنالعان تەمەكىنى, قورقور قوسپاسىن, تەمەكى قىزدىرۋعا ارنالعان جۇيەلەردى, تۇتىنۋدىڭ ەلەكتروندىق جۇيەلەرىن جانە ولارعا ارنالعان سۇيىقتىقتاردى تۇتىنۋعا تىيىم سالۋدى بۇزعانى ءۇشىن ءتورت اكىمشىلىك حاتتاما تولتىرىلدى", دەپ تۇيىندەدى ءسوزىن ق.قوبلاندين.

"اقتوبە قالاسىنىڭ مامانداندىرىلعان اكىمشىلىك سوتىنىڭ قاۋلىسىمەن شەتەلدىك ازاماتتار اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ, 3 جانە 2 تاۋلىك مەرزىمگە اكىمشىلىك قاماۋعا الىندى", دەدى پوليتسيا پولكوۆنيگى.