توعىزقۇمالاقتان نازارباەۆ زياتكەرلىك مەكتەپتەرى اراسىنداعى جەلىلىك سپارتاكيادانىڭ جەڭىمپازدارى انىقتالدى. العاش رەت ەجەلگى ويىننىڭ جانكۇيەرلەرى ءوز قارسىلاستارىمەن ونلاين فورماتتا, PlayOk پلاتفورماسىندا كەزدەستى, دەپ حابارلايدى Egemen.kz
– ارينە, ءبىز قاشىقتان ۇيىمداستىرىلعان ويىن الدىندا قوبالجىدىق, – دەيدى پاۆلودارداعى NIS وقۋشىسى سانجار بوزتاي, – بىراق جاتتىقتىرۋشىلارىمىزدىڭ ارقاسىندا دايىندىعىمىز جوعارى دەڭگەيدە بولدى.
ويىن الدىندا قاتىسشۋلاردى "نازارباەۆ زياتكەرلىك مەكتەپتەرى" دببۇ باسقارما ءتورايىمى كۇلاش ءشامشيدينوۆا قۇتتىقتاپ "توعىزقۇمالاق ءتورت مىڭ جىلدىق تاريحى بار بىرەگەي ۇلتتىق ويىن. ول شىعارماشىلىق پەن لوگيكانى دامىتادى, سول سەبەپتى دە بۇل ويىن وقۋشىلارىمىزدىڭ اراسىندا كەڭىنەن تانىمال. ويىنعا قىزىعۋشىلىق تانىتۋ – ءوز حالقىنىڭ تاريحى منن مادەنيەتىنە جاقىنداي ءتۇسۋ", دەپ اتاپ ءوتتى.
بۇل ويىنمەن ەكىنشى سىنىپتان باستاپ اينالىسىپ جۇرگەن سەمەي قالاسىنداعى زياتكەرلىك مەكتەپ وقۋشىسى, اباي اۋدانىندا دۇنيەگە كەلگەن ايىم اكىمبەرگەنوۆانىڭ ايتۋىنشا, ول بۇل سپورت تۇرىمەن جاستايىنان اينالىسقان. ال وسىنداي اۋقىمدى ءارى ايگىلى جارىسقا العاش رەت قاتىسۋى.
پەتروپاۆلداعى زياتكەرلىك مەكتەپ وقۋشىسى جانباتىر سەرىكتىڭ العاشقى جاتتىقتىرۋشىسى − اكەسى, ونىڭ توعىزقۇمالاققا دەگەن قىزىعۋشىلىعى وتباسىندا باستالعان, الدىمەن اتا-اناسىمەن ويناعان, ال بۇگىندە سپارتكيادادا مەكتەپ نامىسىن قورعاۋدا.
شىمكەنت قالاسىنداعى فيزيكا-ماتەماتيكا باعىتىنداعى زياتكەرلىك مەكتەپ وقۋشىسى ارسەن اسىلبەككە توعىزقۇمالاقتىڭ قىر-سىرىن اناسى ۇيرەتكەن, اتاسى دا بۇل ويىندى جاقسى ويناعان. بۇگىن سپورتتىق اۋلەتتىڭ ءىزىن ارسەن جالعاپ كەلەدى.
نۇر-سۇلتان قالاسىنداعى فيزيكا-ماتەماتيكا باعىتىنداعى زياتكەرلىك مەكتەپ وقۋشىسى تولەپبەرگەن دياس العاش رەت ءوز اعاسىمەن سىنعا تۇسكەن.
سپارتكيادانىڭ كوپ ويىنشىلارى نازارباەۆ زياتكەرلىك مەكتەپتەرىندەگى توعىزقۇمالاق ويىنىنا ەلورداداعى فيزيكا-ماتەماتيكا باعىتىنداعى مەكتەپتىڭ وقۋشىسى اميرا حيانوۆا مەن شىمكەنت قالاسىنداعى فيزيكا-ماتەماتيكا باعىتىنداعى مەكتەپتىڭ وقۋشىسى نۇراي ماحامبەت سەكىلدى كەلگەن.
كوپتەگەن ويىنشى وزدەرىنىڭ وڭىرلىك جانە رەسپۋبليكالىق جارىستاعى جەڭىستەرىن ماقتان تۇتادى. ورالدىق كوماندانىڭ نامىسىن قورعاۋعا رەسپۋبليكالىق چەمپيونات جەڭىمپازى بەكارىس جوتاباەۆ, قالالىق جارىستاردىڭ جۇلدەگەرى سانيدا نۋرساليم, NIS جەلىلىك سپارتاكياداسىنىڭ جارقىن جۇلدىزدارى نۇرباقىت جولامان مەن ابىلاي مامەتان ءوز ۇلەستەرىن قوسۋدا.
قاراعاندىداعى جەتىنشى سىنىپ وقۋشىسى مارعۇلان سانات توعىز جاسىندا وبلىس چەمپيونى اتانعان. ال ەلورداداعى فيزيكا-ماتەماتيكا باعىتىنداعى زياتكەرلىك مەكتەپ وقۋشىسى گۇلناز حاسانوۆا بولسا جۇلدەلى ورىنداردىڭ كوللەكتسياسىن جيناپ ۇلگەرگەن.
ءاربىر قاتىسۋشى ويىنمەن بايلانىستى ءوز وقيعاسىن ايتىپ بەردى. نۇر-سۇلتان قالاسىنداعى زياتكەرلىك مەكتەپ وقۋشىسى جانيا مۇحتارحانوۆا ءبىر كەزدەرى ەلورداعا پاۆلودار قالاسىنان توعىزقۇمالاق جارىسىنا كەلگەن ەكەن.
بالا كەزىنەن ۇستەل ويىندارىمەن شۇعىلدانعان, اسىرەسە, لوگيكالىق جانە دۋەلدى تۇرلەرىنە قىزىعۋشىلىعى جوعارى بولعان. تارازداعى زياتكەرلىك مەكتەپ وقۋشىسى ۆاديم سەمەنوۆ "مەن وسىلاي توعىزقۇمالاق ويىنىنا كەلدىم. ويىن دۇرىس ەسەپتەپ, كوپ كومبيناتسيالاردىڭ ىشىنەن وڭ نۇسقانى تاڭداۋعا نەگىزدەلگەن, مۇنىمەن قوسا مەن سانداردى جاقسى كورەمىن", دەپ اتاپ ءوتتى.
نۇر-سۇلتان قالاسىنداعى زياتكەرلىك مەكتەپ وقۋشىسى تولەەۆ نۇرحان ومىردەگى جارقىن ساتتەرىنىڭ ءبىرى دەپ ويىنداعى ەڭ تەز جەڭىسى – جيىرما مينۋت ىشىندەگى جەڭىسىن بىلەدى.
– ءبىزدىڭ ارقايسىمىز ءۇشىن توعىزقۇمالاق ويىن عانا ەمەس, حالقىمىزدىڭ تاريحى بولىپ تابىلادى. ءبىز اتا-بابامىزدان ميراس بولىپ قالعان داستۇرلەردى ساقتاپ, ۇرپاقتان ۇرپاققا جەتكىزۋ قانشالىقتى ماڭىزدى ەكەنىن جاقسى تۇسىنەمىز, – دەيدى پاۆلودار قالاسىنداعى زياتكەرلىك مەكتەپ وقۋشىسى سايالىم ديۋسەكەەۆا.
– توعىزقۇمالاق – ادامدى دامىتىپ, تانىمىن كەڭەيتەتىن زياتكەرلىك ويىن, – دەپ نۇر-سۇلتان قالاسىنداعى فيزيكا-ماتەماتيكا باعىتىنداعى زياتكەرلىك مەكتەپ وقۋشىسى ەرجان امان وي ءبولىستى.
نازارباەۆ زياتكەرلىك مەكتەپتەرى دامۋ دەپارتامەنتى ديرەكتورىنىڭ ورىنباسارى ايدا اعادىلدىڭ ايتۋىنشا, بالالاردىڭ توعىزقۇمالاققا دەگەن قىزىعۋشىلىعى جىل سايىن ارتىپ كەلەدى. ۇلتتىق مادەنيەتىمىز بەن ءداستۇرىمىزدى قايتا جاڭعىرتۋعا ارنالعان جوبالار NIS الەۋمەتتىك جوبالارى قاتارىندا سۇرانىسقا يە.
ءۇش جاستىق توپتا كوماندالىق ەسەپتە 2020 جىلدىڭ چەمپيوندارى بولىپ تالدىقورعان جانە قىزىلوردا قالالارىنداعى نازارباەۆ زياتكەرلىك مەكتەپتەرىنىڭ قۇرامالارى تانىلدى. ءبىر ەرەكەشەلىگى قىزىلوردا كومانداسى ەكى بىردەي جاستىق توپتا سەنىمدى جەڭىسكە قول جەتكىزدى. جاستىق توبى بويىنشا جەكە ەسەپتە انەل كايرات, ابىلايحان تىنىشتىقباي (ەكەۋى دە تالدىقورعان - نزم), جۇلدىزاي مۇنايتباسوۆا (قىزىلوردا نزم), بەكجان ءادىلجاپپار (سەمەي نزم), جۇلدىز سادىقبەك (قىزىلوردا نزم), بەكارىس جورتاباەۆ (ورال نزم) جەڭىمپاز اتاندى.