اقتوبە وبلىسىنىڭ پوليتسيا قىزمەتكەرلەرى ىشكى ىستەر ورگاندارىندا تىركەلمەگەن تەگىس ۇڭعىلى قارۋدى زاڭسىز ساقتاعان جانە الىپ جۇرگەن 77 ازاماتتى اكىمشىلىك جاۋاپكەرشىلىككە تارتتى دەپ حابارلايدى Egemen.kz.
سونداي-اق بيىلعى جىلدىڭ 10 ايىنىڭ قورىتىندىسى بويىنشا قارۋ اينالىمى سالاسىنداعى زاڭنامانى بۇزعانى ءۇشىن 777 ازاماتتىق قارۋ يەسى اكىمشىلىك جاۋاپكەرشىلىككە تارتىلدى. مۇنىمەن قاتار قارۋ ساقتاۋ ەرەجەلەرىنىڭ 504 رەت بۇزىلعان دەرەگى جانە قارۋدى تىركەۋ (قايتا تىركەۋ) ەرەجەلەرىن بۇزعان 273 دەرەك تىركەلدى. اقتوبە وبلىستىق پوليتسيا دەپارتامەنتىنىڭ باسشىسى ارىستان اتىعاەۆتىڭ حابارلاۋىنشا, بۇدان باسقا زاڭسىز اينالىمنان 106 بىرلىك قارۋ الىندى (ونىڭ ىشىندە ويىق – 4, تەگىس ۇڭعىلى – 92, گازدى – 1, تراۆماتيكالىق – 3, پنەۆماتيكالىق – 5, سيگنالدىق-1).
وسىلايشا قاڭتار-قازان ايىنىڭ ىشىندە اقتوبە وبلىسىنىڭ ازاماتتارى جالپى سوماسى 3 ميلليون 555 مىڭ تەڭگەنى قۇرايتىن 63 بىرلىك (ويىق – 5, تەگىس ۇڭعىلى – 56, تراۆماتيكالىق – 2) اتىس قارۋىن جانە ويىق ۇڭعىلى قارۋعا ارنالعان 517 پاتروندى پوليتسياعا ءوز ەرىكتەرىمەن كەلىپ تاپسىرعان.