ىندەتتىڭ كۇشەيۋى – وزىمىزدەن

وبلىستا كوروناۆيرۋس بو­يىنشا جاعداي كۇردەلەنە ءتۇستى. ىندەت باستالعاننان 2 قارا­شاعا دەيىنگى ستاتيستيكالىق ما­لى­مەتتەر بويىنشا وبلىس­تا لابوراتوريالىق جولمەن انىق­­تالعان 3 805 وقيعا تىركە­لىپ­تى. 1 قازان مەن 2 قاراشا ارالىعىندا 318 ادام اتى جامان ىندەتكە شالدىققان. ونىڭ 184-ءى – كوكشەتاۋ قالاسىنىڭ, 29-ى – بۋراباي اۋدانىنىڭ, 27-ءسى – ستەپنوگور قالاسىنىڭ, 48-ءى – ءبىرجان سال اۋدانىنىڭ, 10-ى – اتباساردىڭ, 10-ى قالعان اۋدانداردىڭ تۇرعىندارى.

وقۋشىلار اراسىندا 19 بالا­دان ىندەت لابوراتوريالىق جول­مەن انىقتالسا, مەكتەپكە دە­­يىن­گى مەكەمەلەردە 11 بالدىرعان مەن 2 تاربيەشى اتالعان ىن­­دەتكە شالدىققان. وبلىس­تا­عى كو­روناۆيرۋستىڭ تارالۋ جاع­دا­يى بويىنشا ءمالىم بولعان كور­سەتكىشتەرگە كوز جۇرگىرتسەك, جاع­داي وتە كۇردەلى. وتكەن اپتادا ىندەتتى جۇقتىرۋ ءوسىمى 2,2 پايىزدى قۇرادى. سوڭعى ءۇش اپ­تادا كوكشەتاۋ قالاسىنىڭ تۇر­عىن­دارى اراسىندا COVID-19 اۋرۋ­ى­نىڭ ءوسىمى 3,5 ەسە ۇلعايعان. الدىڭعى اپتادا ءبىرجان سال اۋدانىنداعى «سەمىزباي-ۋ» كەن ورنىندا 43 ادامنان كورونا­ۆي­رۋس جۇقپاسى انىقتالىپ, قا­زىر­گى ۋاقىتتا بارلىق كەنشى كا­ران­تيندىك گوسپيتالدە ەم قا­بىل­داۋ­دا. وبلىستىڭ باس ساني­تار­لىق دارىگەرىنىڭ مالىمدەۋىنشە, وندا قازىر سوڭعى دەزينفەكتسيالىق جۇ­مىس­تار جۇرگىزىلىپ جاتىر.

– وبلىستا ىندەتتىڭ تارالۋ جاع­دايى كۇردەلەنە ءتۇستى. قازىر ءبىز­دىڭ ءوڭىر ەپيدەميالىق احۋال بو­يىنشا جاسىل دەڭگەيگە كىردى, سوندىقتان كارانتين تالاپتارىن قاتاڭداتۋ قاجەت. سانيتارلىق بەكەتتەر كارانتين ايماعىنا كىرۋ جانە شىعۋ پۋنكتتەرىندە ورناتىلادى, – دەيدى ا. مۋسينا.

سونىمەن, وبلىستىڭ باس مەم­لە­كەتتىك سانيتارلىق دارى­گە­رى­نىڭ 3 قاراشاداعى قاۋلىسىنا سايكەس بيىل 7 قاراشادان باس­تاپ كارانتيندىك شەكتەۋلەر كۇ­شەي­تى­لە­دى. كوكشەتاۋ قالا­سى­نىڭ جان-جا­عىنان سانيتارلىق بەكەتتەر ورناتىلىپ, دەمالىس جانە مەرەكە كۇندەرى قالاىشىلىك قوز­عا­لىس كولىكتەرى توقتاتىلادى.

بريفينگ سوڭىندا ءوڭىردىڭ باس سانيتارلىق دارىگەرى تۇر­عىن­داردان سانيتارلىق تالاپتار­دى ساقتاپ, اركىم ءوزىنىڭ جانە جا­قىن­دا­رىنىڭ دەنساۋلىقتارىن قادا­عالاپ, كارانتينگە تۇسىنىس­تىك­پەن قاراۋعا شاقىردى.

العاشقى تولقىننان اۋپىرىم­دەپ وتكەننەن كەيىن ەل باياعى مامىراجاي قالىپقا تۇسكەن. وبلىس ورتالىعىنداعى مەيرامحانالاردا ۇيلەنۋ تويلارى, قۇدالىق, جانازا اسى وتكىزىلە باستادى. مەي­رامحانا يەلەرى قۋلىققا باس­­قان. ەسىك-تەرەزەنى تۇمشالاپ, كوز بايلانعان ۋاقىتتا جارىق كورىن­بەيتىندەي ەتىپ جاسىردى. بىراق ءبىز جاسىرعانمەن, ىندەت جاسىرىنبايدى ەكەن. ەسىكتەن سىعالاپ تورگە وزدى. تەكسەرۋ كوبەيگەن سوڭ ءسال تىيىلعانداي بولدى. وسى كەزدە كوتتەدجدەرىن جالعا بەرەتىندەردىڭ ايى وڭىنان تۋىپ, قاتەرلى كاسىپتەرىن ۇدەتە باستادى. جانازاعا بارۋشىلار دا ءباز-باياعى قالپىندا. وزدەرىنىڭ سانيتارلىق تالاپتى بۇزعان ارە­كەت­­تەرىن بارماي قالساق ۇيات بو­لا­­دىمەن اقتاعانداردىڭ سوڭى ىن­دەتتىڭ ورشۋىنە اكەلدى. ەگەر بارلىق تالاپ ساقتالسا, جامان تۇماۋ بۇگىنگىدەي ورشىمەس پە ەدى, كىم ءبىلسىن؟!

اقمولا وبلىسى