قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى ايدا بالاەۆا استانا جانە قازاقستان ءميتروپوليتى الەكساندرمەن كەزدەستى, دەپ حابارلايدى Egemen.kz.
كەزدەسۋ بارىسىندا مينيستر سىندارلى مەملەكەتتىك-كونفەسسيالىق قاتىناستاردى دامىتۋ مەملەكەتتىك ساياساتتىڭ ماڭىزدى باعىتتارىنىڭ ءبىرى بولىپ تابىلاتىنىن ءاتاپ وتتى. بۇل, اسىرەسە, رۋحاني داستۇرلەردى قالىپتاستىراتىن جانە بەيبىتشىلىك پەن كەلىسىمدى نىعايتۋعا ەلەۋلى ۇلەس قوساتىن دىني بىرلەستىكتەرگە قاتىستى.
سونداي-اق, مينيستر قازاقستاننىڭ پراۆوسلاۆيە شىركەۋى رۋحاني-ادامگەرشىلىك مادەنيەتتى قالىپتاستىرۋدا, قوعامدا ۇلتتىق قۇندىلىقتار مەن داستۇرلەردى ساقتاۋدا, جاستاردى پاتريوتتىق سەزىمگە باۋلۋدا مەملەكەتتىڭ سەنىمدى سەرىكتەسى ەكەنىن اتاپ ءوتتى.ايدا بالاەۆا اقپارات جانە قوعامدىق دامۋ مينيسترلىگى ەلىمىزدىڭ ءدىني بىرلەستىكتەرىمەن, سونىڭ ىشىندە پراۆوسلاۆيە شىركەۋىمەن سەرىكتەستىك قارىم-قاتىناس ورناتىپ جاتقانىن اتاپ ءوتتى.ءوز كەزەگىندە ميتروپوليت الەكساندر قازاقستانداعى ءتيىمدى مەملەكەتتىك-كونفەسسيالىق قاتىناستار ءدىني احۋالدىڭ تۇراقتىلىق ارناسىندا ۇدايى دامۋىنا ىقپال ەتەتىنىن جانە قازاقستاندىق قوعامدا بىرلىك پەن كەلىسىمدى قامتاماسىز ەتەتىنىن اتاپ ءوتتى.تاراپتار كونفەسسياارالىق كەلىسىم مەن دىنارالىق ديالوگ قاعيداتتارىن ىلگەرىلەتۋ بويىنشا ودان ءارى ىنتىماقتاستىقتى جالعاستىرۋعا نيەت ءبىلدىردى.كەزدەسۋ سوڭىندا مينيستر ەلىمىزدىڭ باستى مادەني جانە رۋحاني ەسكەرتكىشتەرىنىڭ ءبىرى – الماتى قالاسىنداعى ۆوزنەسەنسك كافەدرالدى سوبورى ءوز قىزمەتىن قايتا باستاۋىنا 25 جىل تولۋىمەن قۇتتىقتاپ, بەيبىتشىلىك, جاقسىلىق پەن اماندىق تىلەدى.