بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ قوستاناي وبلىسىنا ساپارى اياسىندا رۋدنىي قالاسىنىڭ جۇرتشىلىعىمەن جانە مەملەكەتتىك قىزمەتشىلەرىمەن كەزدەسۋىندە مالىمدەدى, دەپ حابارلايدى Egemen.kz.
اليك شپەكباەۆ سىبايلاس جەمقورلىققا قارسى زاڭناماداعى وزگەرىستەر تۋرالى ءسوز قوزعاپ, سونداي-اق ەلدە جۇرگىزىلىپ جاتقان جەمقورلىققا قارسى ساياسات جانە قابىلدانىپ جاتقان الدىن الۋ شارالارى تۋرالى ەگجەي-تەگجەيلى باياندادى.
اتاپ ايتقاندا, ول باسشىلاردىڭ باعىنىشتىلار اراسىنداعى سىبايلاس جەمقورلىق ءۇشىن دەربەس جاۋاپكەرشىلىگى تۋرالى ەسكە سالدى. اعىمداعى جىلدىڭ قىركۇيەك ايىندا رۋدنىي قالاسىنىڭ اكىمى عايازوۆ قاشار كەنتىنىڭ اكىمى الدونعاروۆتىڭ جەمقورلىق قىلمىسى ءۇشىن بەرىلگەن وتستاۆكا اياسىندا اتقارعان قىزمەتىنەن بوساتىلدى.
"قازىرگى تاڭدا سىبايلاس جەمقورلىققا قارسى زاڭناما ءار باسشىعا جوعارى تالاپتار قويىپ وتىر. سىزدەر تۇتاس مەملەكەتتىك ورگاننىڭ جۇمىسى تازالىق پەن پاراساتتىلىققا باعىتتالۋعا بايلانىستى ەكەنىن جەتە تۇسىنۋلەرىڭىز قاجەت. سوندىقتان باسشىلاردىڭ جەمقورلىققا جول اشاتىن كەز كەلگەن جاعدايدى جويۋ بويىنشا بەلسەندى ارەكەت جاساۋى ماڭىزدى. بۇل ءۇشىن بارلىق قۇرالدار بار. ەڭ باستىسى – شىنايى نيەتتىڭ بولۋى", دەدى سىبايلاس جەمقورلىققا قارسى قىزمەت باسشىسى.
سىبايلاس جەمقورلىققا قارسى ءىس-قيمىل ۆەدومستۆوسىنىڭ باسشىسى ازاماتتارمەن سىندارلى ديالوگتى كەڭەيتۋ قاجەتتىلىگىنە, جەرگىلىكتى اتقارۋشى ورگانداردىڭ ازاماتتار ءۇشىن قولايلى جاعداي جاساۋ جۇمىسىن كۇشەيتۋ مەن قوعامدىق باقىلاۋعا نازار اۋداردى.
قوعامدىق ۇيىمدار وكىلدەرىنە ارناعان سوزىندە اليك شپەكباەۆ مەملەكەتتىك ورگانداردىڭ جۇمىسىن ترانسفورماتسيالاۋدا ازاماتتاردىڭ ءرولى ارتىپ كەلە جاتقانىن اتاپ ءوتتى. "اركىمنىڭ ۇلەسى وتە قۇندى. الايدا, سوزدەن ىسكە كوشۋ تۇرعىسىنان بەلسەندىلىك قاجەت: "سىنعا الساڭ – ءتيىستى شارالاردى ۇسىن, ولاردى ىسكە اسىرۋ ارقىلىجاۋاپكەرشىلىكتى سەزىن", دەپ باسا ايتتى.
حقكو تۋرالى ايتا كەلە, اليك شپەكباەۆ ەلەكتروندىق مەملەكەتتىك قىزمەت كورسەتۋدىڭ ۇدەمەلى دامۋىن اتاپ ءوتتى: "قاعاز جۇزىندە كورسەتىلەتىن قىزمەتتەر – وتكەن كۇننىڭ بەلگىسى. شەنەۋنىكپەن بايلانىس ورناتۋ ارقىلىقىزمەت كورسەتۋ تۇرمىستىق سىبايلاس جەمقورلىق قاۋپىن ارتتىرادى. حقكو-لاردىڭ سانىن كوبەيتۋدىڭ قاجەتى جوق. ازاماتتاردى ەلەكتروندىق مۇمكىندىكتەرمەن جۇمىس ىستەۋ داعدىلارىنا ۇيرەتۋگە جانە اكىمدىكتەردىڭ فرونت-كەڭسەلەرىن ساپالى پىسىقتاۋعا نازار اۋدارۋ قاجەت".
جاستار ۇيىمى وكىلىنىڭ سۇراقتارىنا جاۋاپ بەرە وتىرىپ, اليك شپەكباەۆ بىلاي دەدى: "شىنىندا دا, مەملەكەتتىك اپپاراتتى قىسقارتۋ بويىنشا جۇمىستار بەلسەندى جۇرگىزىلۋدە. مەملەكەتتىك قىزمەتتە نەعۇرلىم ءتيىمدى قىزمەتكەرلەر قالۋعا ءتيىس. ساياساتتىڭ ىقشامدىلىققا باعدارلانعانىنا قاراماستان, ادال, ءبىلىمدى جانە تالانتتى جاستارعا كونكۋرستىق نەگىزدە جۇمىسقا ءوتۋجولى ارقاشان اشىق بولاتىنىنا سەنىمدىمىن".