الماتى قالاسىنداعى قورعانىس مينيسترلىگىنىڭ اسكەري مەديتسينا ورتالىعىندا نۇسقاۋشىلار مەن پارامەديكتەر العاشقى مەديتسينالىق كومەك كورسەتۋ بويىنشا قىسقا مەرزىمدى ترەنينگتەن وتۋدە. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
ءىس-شارا قر قورعانىس مينيسترلىگى مەن حالىقارالىق قىزىل كرەست كوميتەتىنىڭ اعىمداعى جىلعا ارنالعان ەكى جاقتى ىنتىماقتاستىق جوسپارى بويىنشا ۇيىمداستىرىلدى.
ليۆانعا بارۋعا دايىندالىپ جاتقان بەسىنشى بىتىمگەرشىلىك روتانىڭ اسكەري قىزمەتشىلەرى ءۇشىن ساباقتى قازاقستان قىزىل جارتى اي نۇسقاۋشىلارى جۇرگىزدى.
تەوريالىق تۇرعىدان باسقا قاتىسۋشىلار وقيعا ورنىن باعالاۋ, زارداپ شەككەن ناۋقاستى تەكسەرۋ, جارىلىس پەن كۇيىكتەن زاقىمدانعان جاعدايدا العاشقى كومەك كورسەتۋ, جۇرەك-وكپە رەانيماتسياسىن جۇرگىزۋدى تاجىريبە جۇزىندە داعدىلارىن شىڭدادى.
كۋرس اياقتالعاننان كەيىن نۇسقاۋشىلار اسكەري قىزمەتشىلەردى وقىتۋ قۇقىعىن بەرەتىن سەرتيفيكات الادى.
قازاقستاننىڭ قىزىل جارتى اي قوعامى الەمدەگى ەڭ ءىرى گۋمانيتارلىق ۇيىم, ول قىزىل كرەست جانە قىزىل جارتى اي حالىقارالىق قوزعالىسىنىڭ ءبىر بولىگى بولىپ تابىلادى.