پاندەميا كەزىندە جۇكتى ايەلدەرگە مەديتسينالىق كومەك ۇزدىكسىز كورسەتىلەدى. بۇل تۋرالى ورتالىق كوممۋنيكاتسيالار قىزمەتى الاڭىندا وتكەن بريفينگتە دەنساۋلىق ساقتاۋ ۆيتسە-ءمينيسترى اجار عينيات حابارلادى.
ونىڭ ايتۋىنشا, COVID-19 جۇقتىرۋ قاۋپىن تومەندەتۋ ماقساتىندا جۇكتى ايەلدەردى جوسپارلى قابىلداۋعا الدىن الا جازىلۋ ارقىلى جۇزەگە اسىرىلادى.
«قازاقستاندا انا ءولىمىنىڭ كۇرت ارتۋىنا جۇكتى ايەلدەر اراسىندا COVID-19 كوروناۆيرۋستىق ينفەكتسياسىنىڭ اسقىنۋىمەن بايلانىستى بولىپ وتىر. وتكەن جىلعا قاراعاندا 2,8 ەسە وسكەن. ال نارەستەلەر ءولىمى كورسەتكىشى تومەندەدى. بۇل جۇكتى ايەلدەردىڭ فيزيولوگياسىنا دا بايلانىستى. جۇكتى بولعاندا ايەلدەردىڭ دەنساۋلىعىنا كۇش تۇسەدى. سونىمەن قاتار, گورمونالدىق, باسقا دا فوندارعا بايلانىستى, تامىرلارىنا, وكپە جۇمىسىنا تۇسەتىن سالماق ارتادى. بۇعان ۆيرۋس قوسىلىپ, اۋرۋ كۇشەيسە, جاعداي ناشارلايدى. سوندىقتان بۇل اۋرۋ انالار ءولىمىنىڭ باستى سەبەبى بولىپ وتىر», - دەدى ۆيتسە-مينيستر.