الماتىدا ماسكا شىعاراتىن وندىرۋشىلەر سانى ارتتى. بۇل تۋرالى الماتى قالاسى اكىمدىگىنىڭ دارىلىك پرەپاراتتارمەن قامتاماسىز ەتۋ جونىندەگى ۇيلەستىرۋشىسى زاڭعار سالىمباەۆ ايتتى, دەپ حابارلايدى Egemen.kz.
"كوكتەمدە ماسكاعا سۇرانىس جوعارى بولعانى بەلگىلى. سوعان بايلانىستى الماتى قالاسىندا قوسىمشا ماسكا شىعاراتىن ءىرى 6 وتاندىق ءوندىرۋشى پايدا بولدى. ولار كۇندەلىكتى 882 مىڭ ماسكا شىعارۋعا قاۋقارلى. سونىمەن قاتار قازىر قويمادا 20 ملن مەديتسينالىق ماسقا ساقتاۋلى. "سك فارماتسيا" جشس قىركۇيەك ايىندا قوسىمشا 10 ملن ماسكا ساتىپ الدى. قاجەت بولعان جاعدايدا ينتەرۆەنتسيا ءۇشىن قولدانىلادى. قالاداعى 867 ءدارىحانانىڭ 95 پايىزى ماسكامەن قامتاماسىز ەتىلگەن", – دەدى زاڭعار سالىمباەۆ.
دارىحانالارعا كۇندەلىكتى جۇرگىزىلگەن مونيتورينگ بويىنشا, بارلىعىندا ماسكا جەتكىلىكتى ەكەنى انىقتالدى. قالانىڭ مەديتسينالىق ۇيىمدارىندا 1,6 ملن جەكە قورعانۋ قۇرالى بار. جاقىندا 2,7 ملن استام قۇرال جەتكىزىلەدى. بۇل ماسەلەنى اكىمدىك قاتاڭ باقىلاۋعا الىپ وتىر.